Die moordbeskuldigde Oscar Pistorius gaan na verwagting Dinsdag in die hooggeregshof in Pretoria die voorwaardes rakende sy psigiatriese waarneming aanhoor.
Regter Thokozile Masipa het verlede Woensdag beslis dat Pistorius vir waarneming gestuur word nadat Merryll Vorster, ʼn forensiese psigiater, getuig het Pistorius ly aan ʼn algemene angsversteuring.
Masipa het toe gesê sy is bewus daarvan dat dit die saak verder gaan vertraag, maar gesê geregtigheid is belangriker as ongerief. Sy het dit benadruk dat Pistorius nie deur die waarneming gestraf moet word nie en dat die moontlikheid ondersoek moet word dat hy as ‘n buite-pasiënt behandel kan word.
“’n Behoorlike ondersoek sal verseker dat die beskuldigde ‘n regverdige verhoor kry,” het sy gesê.
Pistorius word aangekla van die moord op sy vriendin Reeva Steenkamp nadat hy haar op 14 Februarie 2013 in sy huis in die ooste van Pretoria doodgeskiet het. Pistorius voer aan hy het haar vir ‘n inbreker aangesien. Hy staar ook aanklagte wat verband hou met die oortreding van die Vuurwapenwet in die gesig. Hy het onskuldig gepleit op alle aanklagte. -SAPA
Klik hier om gratis die hooftrekke van die hofverrigtinge op Maroela Media te volg.
Om eerlik te wees, ek persoonlik dink hy is skuldig. hy moet gestraf word vir wat hy iemand se lewe geneem het en n onskuldige familie Baie harseer besorg het. Hy moet uit die gemeenskap verwyder word en die sleutel moet in die see gegooi word.
Staf hom vir wat hy gedoen het hy het geen reg gehad om n Reeva se lewe te neem nie en hy het geweet dit is Reeva in die badkamer hy sal nou als doen om die trunk vry te spring. Verwyder hom uit die gemeenskap uit want wie is volgende?