Oscar Pistorius-saak: ‘Getuie is bevooroordeeld’

Pistorius Maandagoggend in die hof. Foto: ANA

Pistorius Maandagoggend in die hof. Foto: ANA

Staatsaanklaer adv. Gerrie Nel het Maandag die getuie wat deur Oscar Pistorius se regspan ingeroep is, as bevooroordeeld beskryf.

Prof. Jonathan Scholtz, hoof van kliniese sielkunde by die Weskoppies- psigiatriese hospitaal en ook verbonde aan die Universiteit van Pretoria, het getuig dat Pistorius se toestand vererger het, dat hy verskeie fobies het, aan posttraumatiese stressindroom ly en ook angs en depressie het.

Nel het Scholtz se getuienis herhaaldelik bevraagteken en later gesê hy is bevooroordeeld teenoor Pistorius. Nel het onder meer vir Scholtz gevra hoekom hy nie die inhoud van ʼn verslag wat deur ʼn voorligtingsielkundige by die Kgosi Mampuru-gevangenis opgestel is, by sy verslag ingesluit het nie. Scholtz het gesê hy het nie gedink dit is nodig nie.

Die voorligtingsielkundige het glo in haar verslag aangevoer dat Pistorius “verbale aggressie” teenoor ander gevangenes getoon het. Scholtz het gesê die inhoud van dié verslag is “baie onwetenskaplik” omdat Pistorius weens die depressie en posttraumatiese stressindroom “verbale aggressie en ontsteldheid” sou toon.

“Ek vind jou antwoorde nogal bevooroordeeld tot die beskuldigde en nie objektief nie,” het Nel gesê. Regter Thokozile Masipa het in ʼn stadium daarop gewys dat die voorligtingsielkundige nie gesê het Pistorius is ʼn gewelddadige persoon nie, maar gesukkel het om aan te pas.

Barry Roux, namens Pistorius, het hierna weer vir Scholtz ondervra. Hy wou weet wat is die gevolgtrekking van die voorligtingsielkundige se verslag. Scholtz het gesê die gevolgtrekking is dat Pistorius se risiko om weer te oortree laag is.

Roux het tydens sy ondervraging weer na Pistorius se tronksel verwys en die afsondering wat hy beleef het. Scholtz het gesê Pistorius wou nog altyd mense help en dat dit in sy geaardheid is.

Die saak gaan Dinsdag voort.

Lees alle vorige berigte oor Oscar Pistorius op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

41 Kommentare

jongste oudste gewildste
Liewe heksie

Oe e e Gerrie nel skaam jy jou nie om als te verdraai om jouself eksteem te boost nie nee regtig lê woorde wat jou pas in n ander se mond

Elize

Enige mens se toestand sal daagliks verswak in die situasie.want n mens het mos n gewete.en dit alleen glo ek kan jou opvreet van binne.

Sampie

Enige persoon sal aan stres ly waneer die howe so lank draai met ‘n saak wat so lank neem met ‘n vonnis oplegging!!

O jinne

O jinne ek kan net sê die onderhoud met die TV is om sy kant te stel, sonder ‘n boelie hier voor jou, almal skree ten hemele vertel ons wat gebeur het, noudat Oscar dit gedoen het is dit ook verkeerd. Gerrie Nel regtig wie sou in die hof kom staan teen jou woordspeling, jy gaan so tekere dat niemand – nie eens ‘n Professor kon staan teen jou onbeskofte woorde in die mond le, wat jy kruisondervraging noem nie. Ek hoop werklik Judge Masipa sien deur jou!!!!!!

johann cb

Adv Nel het nog steeds geen begrip van wat “sielkunde” behels nie. Hy sal nou na strooihalms gryp. Hy trek almal se woord in twyfel – behalwe sy eie…