Oscar Pistorius-saak: ‘Ons het nie die waarheid gekry nie’

Kim Martins, Reeva Steenkamp se niggie. Foto: eNCA

Kim Martins, Reeva Steenkamp se niggie. Foto: eNCA

Kim Martins, Reeva Steenkamp se niggie wat tydens die verhoor van Oscar Pistorius getuig het, het Woensdag weer in die getuiebank ingeskuif.

Martins het tydens ondervraging deur staatsaanklaer adv. Gerrie Nel getuig dat daar nie ʼn dag verbygaan wat sy nie aan Steenkamp dink nie. “Ek hanteer dit, maar die letsels lê diep.” Volgens Martins sukkel haar kinders om die gebeure te verwerk. “Dit het ons lewens heeltemal verander. Wanneer jy in ʼn ry in ʼn winkel staan herken mense jou en bring hulle die verhoor ter sprake.”

Nel het Martins uitgevra oor die onderhoud wat Pistorius met iTV gedoen het. Die onderhoud word op 24 Junie uitgesaai. Volgens Martins is dit “onregverdig” dat hy die wêreld sy weergawe van die gebeure gaan vertel terwyl hy die kans gehad het om dit in die hof te gedoen het. “Al wat ons gesoek het is die waarheid. Mense sê ons het die waarheid gekry, maar ons het nie. Ek glo nie dat die ware weergawe van gebeure aan die lig gekom het nie.”

Adv. Barry Roux, namens Pistorius, het tydens kruisondervraging verwys na ʼn vriendin van Steenkamp wat in ʼn onderhoud gesê het Pistorius het haar gelukkig maak en dat sy lief was vir hom. Martins het getuig sy en Steenkamp was soos susters. Volgens Martins het sy Steenkamp een keer gevra of sy gelukkig is en sy het glo haar skouers opgehaal en gesê ons sal later praat. “Reeva kon verskeie kere gesê het sy is lief vir Oscar, maar sy het nooit.”

Roux het ook verwys na nog ʼn vriendin wat ook in ʼn onderhoud gesê het Steenkamp was gelukkig saam met Pistorius. Martins het hierop geantwoord dat sy talle berigte gelees het wat beweer het dat Steenkamp gelukkig was saam met Pistorius. Martins het egter volgehou dat sy nie dink Steenkamp was lief vir Pistorius nie.

Die saak duur voort.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

65 Kommentare

jongste oudste gewildste
Chrissie

Met ander woorde “Martins” as ons jou reg verstaan,
As sy nie lief was vir hom nie, beteken dit sy het hom net gebruik en misbruik vir haar eie voordeel?
Not nice!

Liewe heksie

Oscar is roosterbrood!!

sdp

Hkm kon Nel nie gister sy emosionele getuie roep? N verskoning vir middag af? Die saak is 1 sirkus

Tharina

Wees eerlik Oscar is skulding – maar asb waarom al die vreeslike drama van die Steenkamps in die hof – hulle is nie die enigste wat n kind verloor het nie. Aanvaar dit en gaan aan – Reeva sal nooit rus as hulle so aangaan nie. Wat van die 5 meisiekinders wat vermis is (Haarhoff saak) hulle ouers moet elke aand gaan slaap en wonder waar is hulle kinders terwyl die Steenkamps weet waar is Reeva en sy is in n beter plek. Ek praat van ondervinding want het ook my kind verloor.

wilma

Kry klaar. Hoe labk moet daar nog geld gemors word. Nel raak al ryker en ryker ek stem sy kon hom gelos het. Gaan mos alles oor aansien