Oscar Pistorius verloor aansoek om appèl

Oscar Pistorius op 19 Maart 2014 in die hof Foto: Leon Sadiki/Citypress/Pool (SAPA)

Oscar Pistorius op 19 Maart 2014 in die hof Foto: Leon Sadiki/Citypress/Pool (SAPA)

Die konstitusionele hof het die Paralimpiese atleet Oscar Pistorius se aansoek om verlof tot appèl teen sy skuldigbevinding afgekeur.

“Ons kan bevestig dat die konstitusionele hof Pistorius se aansoek afgekeur het weens die gebrek aan vooruitsigte vir sukses,” het Luvuyo Mfaku, woordvoerder van die NVG, Donderdag gesê. “Ons verwelkom die besluit, aangesien ons nog altyd volgehou het dat sy aansoek om verlof tot appèl heeltemal sonder meriete is.”

Die konstitusionele hof was Pistorius se laaste poging om uit die tronk te bly ná hy Reeva Steenkamp in 2013 doodgeskiet het. Die uitspraak beteken dat hy volgende maand in die Pretoriase hooggeregshof moet verskyn om gevonnis te word.

“Hy sal op 18 April in die hof verskyn wanneer die vonnisverrigtinge sal hervat,” het Mfaku gesê.

Pistorius het sy aansoek gebring nadat die hoogste hof van appèl op 3 Desember verlede jaar besluit het om sy skuldigbevinding op strafbare manslag om te keer. Die hooggeregshof het hom ʼn paar dae later vrygelaat op borgtog van R10 000, beveel dat hy elektronies gemonitor moet word en dat hy slegs binne ʼn radius van 20 km van sy oom se huis in Waterkloof, Pretoria, mag beweeg.

Hy bly al sedert Oktober 2015 by sy oom sedert hy uit die tronk vrygelaat is nadat hy minder as ʼn jaar van sy vyf jaar vonnis uitgedien het – op die aanklag van strafbare manslag waarop hy oorspronklik skuldig bevind is.

Lees alle vorige berigte oor Oscar Pistorius op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

96 Kommentare

jongste oudste gewildste
Vicus

Nou kan geregtigheid geskied

Anton

Ja laat die ding nou tot n punt kom sodat die klipgooiers tot rus kan kom of hulle volgende slagoffer kan vind!

Chris

Kyk, ek is ‘n mede Blanke Afrikaner is is ook fisies gestrem. Los politiek hier asseblief eenkant. Alles het van die begin van die Oscar-sage nie sin gemaak nie. Daar was van die begin af te veel onopgeloste vrae i.v.m. die moordsaak wat nooit logies kon beantwoord nie. Ek dink dit was vir almal duidelik dat Oscar van die begin af die persoon agter die toiletdeur wou leed aandoen deur die persoon te skiet. Dit het ek van die begin af geweet. So, as mede- gestremde Suid Afrikaner het ek geen simpatie met hom nie. Ek dink die straf is… Lees meer »

Fanie Naude

Ek glo Oscar het in angs gehandel en geglo daar was ‘n boosdoener. Loop julle klipgooiers op stompies na ‘n deur toe waar jy gevaar vermoed. Hy het die sneller net twee maal getrek. Die pistool vuur dubbel. Sy optrede na die voorval bewys die skok wat hy opgedoen het. Ek voel daar is geen kwaad in hierdie man nie en bid dat hy die ligste vonnis moontlik kry. Dit is jammer hy het nie skuld erken nie en ek hoop sy adviseurs gee minstens die helfte van sy geld terug . Sterkte Oscar en sterkte aan Reeva se ouers.… Lees meer »

marita

Pls let this come to an end. As much as I thought he received an unfair sentence the last thing I want is for him to go back to prison. Prison is a horrible place especially in S.A. Our prisons are inhumane and should only house dangerous criminals who is a threat to society. Oscar has lost so much already. Let him be and leave him in peace