Oscar Pistorius volgende week vrygelaat

Oscar Pistorius. Argiefforo: Siphiwe Sibeko/Reuters/Pool

Oscar Pistorius. Argiefforo: Siphiwe Sibeko/Reuters/Pool

Oscar Pistorius sal na ʼn uitgerekte paroolproses volgende week onder korrektiewe toesig vrygelaat word.

Die departement van korrektiewe dienste het in ‘n verklaring bekend gemaak dat die paroolraad Pistorius se vrylating onder korrektiewe toesig goedgekeur het. Die Paralimpiese atleet sal Dinsdag uit die Kgosi Mampuru II-gevangenis vrygelaat word. Sy parool sal tot 2019 voortduur.

Volgens die departement is Pistorius reeds van sy paroolvoorwaardes ingelig. Die voorwaardes is egter nog nie bekend gemaak nie.

Die Paralimpiese atleet sou aanvanklik op 21 Augustus onder korrektiewe toesig vrygelaat geword het. Die besluit is egter op die laaste nippertjie omgekeer, toe Michael Masutha, minister van korrektiewe dienste, die besluit na die paroolhersieningsraad terugverwys het.

Masutha het gesê volgens die Strafproseswet kan ʼn oortreder eers vir korrektiewe toesig in aanmerking kom nadat hy of sy ʼn sesde van die vonnis uitgedien het. Die besluit om Pistorius onder korrektiewe toesig vry te laat, is egter reeds op 5 Junie geneem en was volgens die minister dus voortydig.

Hierdie hoofstuk is egter steeds nie vir Pistorius afgesluit nie. Die staat se appèl teen sy skuldigbevinding aan strafbare manslag sal op 3 November in die appèlhof in Bloemfontein aangehoor word. Die staat wil hê Pistorius moet op die ernstiger aanklag van moord skuldig bevind word nadat hy sy meisie, Reeva Steenkamp, in die vroeë oggendure van Valentynsdag 2013 doodgeskiet het.

Lees alle vorige berigte oor Oscar Pistorius op Maroela Media.

© RDM News Wire

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

64 Kommentare

jongste oudste gewildste
Roepstem van Noorde

Ag dis nou jammer. Gehoop die sit langer!!

christine

Ons sal maar sien. Jammer maar met die mense is alles onseker, onregverdig verby. Sy November saak kom nog en ek dink nie Regter kon nie n ander vonnis ople nie. Jammer ek moet babbles prik dis presies die vonnis wat ons ingedagte gehad het. Kom ons hoop maar hy is genees van wapens. Wonder net wat Adv. Dup de Bruin die heel tyd by Wyle Reeva se ma gemaak met die duur van saak.weet iemand. Nogtans bly vir Oscar. Dis net regverdig. Klim maar die laaste heuwel uit

Susan

Ons is darem ‘n haatdraende ou nasie!!!!!!!!!!!

Rynhardt

Oscar verdien sy vrylating,want dit geskied volgens paroolvoorwaardes!As Zuma van 783klagtes vrygespreek word asook Malema van geldwassery,rampokkery en belastingontduiking,kan Oscar sy vryheid ook kry!

Bloues

Susan, dit is nie haatdraende nasie nie, dit gaan oor die straf van iemand wat n ander mens vermoor het. Dink net dat as n plaasaanvaller en moordenaar so lig gestraf word, wat sal mense se reaksie wees. In Oscar se geval was daar nie n vyand waat aangekom het nie. Reeva is ingenooi en het beskerm gevoel en is toe geskiet. Aijaijai