Oscar Pistorius wil hierom appelleer

Oscar Pistorius. Argiefforo: Siphiwe Sibeko/Reuters/Pool

Oscar Pistorius. Argiefforo: Siphiwe Sibeko/Reuters/Pool

Die nasionale vervolgingsgesag (NVG) het gesê hy sal versoek dat Oscar Pistorius die voorgestelde minimumvonnis van 15 jaar tronkstraf ontvang vir die moord op Reeva Steenkamp.

“Hy is skuldig bevind aan moord en hy is ʼn eerste oortreder. Die wet skryf 15 jaar voor as die toepaslike vonnis vir moord,” het Luvuyo Mfaku, woordvoerder van die nasionale vervolgingsgesag (NVG), gesê.

Pistorius is Dinsdag op borgtog van R10 000 vrygelaat. Hy het intussen in sy verklaring in die hof aangedui dat sy regspan die konstitusionele hof sal nader om verlof tot appèl teen sy skuldigbevinding aan moord.

Volgens Pistorius is sy regte geskend deur die appèlhof se beslissing aangesien die hof volgens hom op feitelike punte eerder as regspunte oorweging gegee het deur hom aan moord skuldig te bevind. Hy voer ook aan dat sy vooruitsigte vir ‘n regverdige verhoor belemmer is deur die regstreekse televisie-uitsending. Volgens Pistorius het dit daartoe gelei dat sekere getuies nie wou getuig nie.

Adv. Gerrie Nel, namens die staat, het Dinsdag aan die hof gesê daar is geen vooruitsig dat Pistorius se appèl sal slaag nie. Pistorius het 15 dae om teen die appèlhof se beslissing te appelleer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

50 Kommentare

jongste oudste gewildste
Sabrina

Se nou Reeva was nie eens in die huis nie, is nie vermoor nie, maar wel n werklike gewapende rower….. Oscar sou nogsteeds op n mens geskiet het, maar sou dit moord gewees het? Sou dit selfverdediging gewees het? Is die saak anders hanteer omdat Oscar bekend is?

Dee

Jou tweede vraag eerste:
Die saak is nie anders hanteer omdat Pistorius bekend is nie. Die saak loop veel meer kinkels en draaie omdat daar meer geld as gewoonlik is vir verdediging.
Jou eerste vraag word geantwoord met ‘n teenvraag: Indien dit ‘n inbreker was wat in ‘n kas gespring het en die deksel toegeklap het om weg te kruip en vier skote is deur die kas geskiet, sou dit moord wees?
Vier skote is geskiet van laag tot hoog om seker te maak wie ookal agter die deur is word getref. Besluit self op ‘n antwoord.

Dirk Hall

‘n Eenvoudige antwoord sou wees dat hy steeds skuldig sou wees aan moord as daardie persoon geen daadwerklike bedreiging vir hom ingehou het nie. Veronderstel dit was ‘n ongewapende huisbreker wat betrap was en die toe die toilet ingevlug het en homself daar toegesluit het sou dit ‘n geval van moord kon wees. Maar die reg is nie altyd so eenvoudig nie. Elke saak het sy eie feite en omstandighede wat aan die hand van bestaande regsreëls getoets en oorweeg word. Vir een – ek sou nie geskied het nie. Sou voor die deur gebly het en die polisie gebel… Lees meer »

Franse

As ek hom betrap in my plek skiet ek hom mors dood en smyt hom weg geen vrae geen stories nie

Bets Bothma

Ek dink dit het tyd geword dat ons n fonds stig vir Oscar se regskostes. Ek het so paar aande gelede met die gedagte aan die slaap geraak met die gedagte hoe weerloos jy is as jy DINK jy is veilig in jou huis, in jou bed … hoeveel plaasmoorde is daar nie net gepleeg in die afgelope maand nie? Ek glo in my hart dat Oscar nie n moordenaar is nie, dat hy daardie nag geskiet het met die wete in sy kop dat hy MOET homself en Reeva beskerm. Dit wat op daardie ongelukkige aand gebeur het is… Lees meer »