Oscar-verhoor: Straat buite hof afgesper

Oscar Pistorius buite die hooggeregshof in Pretoria in September 2014. Foto: Ihsaan Haffejee

Oscar Pistorius buite die hooggeregshof in Pretoria in September 2014. Foto: Ihsaan Haffejee

Talle joernaliste, fotograwe en uitsendingsbussies het Maandag reeds vanaf 05:00 die straat voor die Pretoriase hooggeregshof afgesper in afwagting op die moordveroordeelde Oscar Pistorius se voorvonnisverhoor.

Beamptes van die Tshwane-metropolisie was ook buite die hof om die vloei van die verkeer te reguleer. Die reënweer het geensins verslaggewers gestuit wat van buite die hof regstreeks verslag gelewer het oor wat die dag in die hof verwag word nie.

Pistorius sal dié week hoor hoe lank hy agter tralies sal deurbring nadat sy vorige skuldigbevinding aan strafbare manslag na moord omgekeer is. Hy is skuldig bevind dat hy sy meisie, Reeva Steenkamp, op 14 Februarie 2013 in ʼn badkamer in sy huis doodgeskiet het. Pistorius het tydens sy verhoor volgehou dat hy Steenkamp met ʼn inbreker verwar het en bloot na die badkamerdeur geskiet het uit selfverdediging.

Regter Thokozile Masipa het Pistorius aanvanklik aan strafbare manslag skuldig bevind en tot vyf jaar tronkstraf gevonnis. Hy het ʼn jaar van sy vonnis in die hospitaalvleuel van die Kgosi Mampuru II-gevangenis in Pretoria uitgedien voordat hy in huisarres vrygelaat is.

Die staat het hom egter tot die appèlhof gewend wat Pistorius aan moord skuldig bevind het. Masipa sal die voormalige atleet vandeesweek weer vonnis op grond van sy nuwe skuldigbevinding.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

24 Kommentare

jongste oudste gewildste
Gesiggie

Hopenlik sal ons teen vandag….. goeie nuus ontvang…hierdie storie…draai nou te lank… soek nou n uitspraak”’of gaan dit nog n week vat?

Snip

MOORD IS MOORD! !!!!
As ander lewenslank kan sit, kan hy ook maar gaan sit. … self verdediging se alie, teen wat???? N toegesluite badkamers deur??? Nee wat, ek hoop hy sit, dit sal nie vir Reeva terug bring nie maar sal beter wees as hy vir ewig agter tralies is.

siek en sat

Soos mense darem hieroor kan aangaan. Terwyl HOPE erger, wreder en voorafbeplande moorde gereeld gepleeg word en daar word nie so dae en maandelank daaroor aangegaan nie. En die handjiegevryf en lekkerkry en oordeel…Tsk, tsk…kry tog ‘n lewe.

louis

Ai toggie! Julle wat so maklik oordeel onhou dat julle saak nog verhoor moet word voor GOD. Die maat waarmee julle oordeel sal net so op julle wees as jul vandag voor GOD tereg moet staan. As jy iets goed wil doen gaan op jou knieë en bid vir hom en sommer ook vir jouself dat God jou tong in bedwang sal bring. Met liefde van n vriend.

Jo

Slaap in jou eie bed. Moet nie geleentheid skep vir nagevolge