‘Ou SA vlag’-sak van rakke verwyder

Die foto van die sak wat op die sosiale netwerk Reddit gedeel is.

ʼn Sak met oranje, wit en blou strepe is van Country Road- en Woolworths-winkels se rakke verwyder.

ʼn Foto van die sak is op die sosiale netwerk Reddit gedeel voordat dit op ander sosialemedianetwerke versprei is. Volgens sosialemediagebruikers herinner die kleure van die drasak sterk aan die ou Suid-Afrikaanse vlag.

Woolworths besit Country Road. ʼn Woordvoerder van die Country Road-groep het aan Maroela Media gesê sy Logo Tote-reeks van drasakke word gekenmerk deur ʼn ontwerp van vyf gekleurde strepe en dat dit elke seisoen met nuwe kleure opgedateer word.

“Die kleure wat elke seisoen in die ontwerp geïnkorporeer word, weerspieël die seisoenpalet van Country Road – in hierdie geval ons somerpalet.”

Country Road het gesê hy is spyt dat die toepassing van sy seisoenpalet aanstoot gegee het.

“Ons vra opreg om verskoning aan al ons Suid-Afrikaanse kliënte. Dit was nooit ons bedoeling om aanstoot te gee nie en ons het besluit om nie langer die item te verkoop nie.”

Volgens berigte is die sak in Australië ontwerp en is dit ook daar van die winkelrakke verwyder.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

92 Kommentare

jongste oudste gewildste
Lee

Ag asseblief. Dis nou wraggies pateties. Een van die dae mag mens seker ook nie meer hemde dra met dieselfde kleure in nie. Is die nuwe Regering bang vir die ou SA…….

Derick

Kan nie glo die ANC is bang vir n vlag nie.
Volende gaan hulle ons seker verbied om Afrikaans te praat.

Mb

Ha ha ha ha, dis n grap. Dit is nie vir hierdie vlag waarvoor hulle bang moet wees nie maar vir die 4kleur. Sjhuuuuuut, moet dit nie so hart sê nie. Netnou hoor hulle dit. ????

Ag tog

Dinge raak by die dag belagliker – die sak is in Australië ontwerp; sekerlik het hulle tog nie die ou SA-vlag ingedagte gehad tydens die ontwerp daarvan nie?

En die besighede wat tog so gou is om net apologeties op te tree – wag, laat ek myself korrigeer – soms, dws wanneer die regte groep verontwaardig of seergemaak is.

Lollie

Aarde, praat van kleinlik! Die land het ń krag krisis, water tekort, hoë werkloosheids syfer, misdaad skiet die hoogte in, mense het nie werk, geld of kos nie en SA baklei oor kleure op ń sak!
Dit is waarom alles in hulle peetjie in is! Noodsaaklike dinge raak hulle nie maar kinderagtigheid kry voorkeur! Weet jy hoekom? Hulle hou almal sê aandag op beuselagtighede sodat ons aandag afgetrek word en nie die groot probleme raaksien nie!
Werk dalk vir die massas maar ons is slim genoeg om te sien dat ons oppad is na Zimbabwe se omstandighede toe.