Oud-ANC-jeugligaleier slaan vrou met sambok dood

hof-hamer

Argieffoto.

Patrick Wisani, ʼn voormalige ANC-jeugligaleier, is Maandag in die hooggeregshof in Randburg daaraan skuldig bevind dat hy sy vriendin verlede jaar met ʼn sambok doodgeslaan het.

Wisani het sy vriendin, Nosipho Mandleleni, in September verlede jaar met ʼn sambok en besemstok in die paar se huis in Yeoville doodgeslaan. Hy was ten tyde van die voorval voorsitter van die ANC-jeugliga se middestad-tak.

Regter Mohamed Ismail het bevind nadat Wisani vir Mandleleni doodgeslaan het, het hy ook haar tweelingsuster, Siphokazi, aangerand en geïntimideer om te verhoed dat sy teen hom getuig. Hy het ook Siphokazi se vriend, Zimbini Mathibe, aangerand en geïntimideer.

Volgens Ismail het van die staatsgetuies mekaar in hul getuienis weerspreek, maar was daar genoeg bewyse voor die hof gebring om Wisani skuldig te bevind. Wisani is skuldig bevind op aanklagte van moord, aanranding en intimidasie.

Ismail het gesê hy wil Wisani so gou moontlik vonnis en het hom aangeraai om regsadvies te kry voordat die vonnisverrigtinge begin. Die saak sal Dinsdag voortgaan.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Buitestander

Wêreld is boos en ‘n lewe is van geen belang.

Johann

Kan jy nou meer? ‘n ANC lid wat iemand met n sambok en besemstok doodslaan. Daarna iemand INTIMIDEER…vreemd? Gedink die ANC en veral die sg Jeugliga is verhewe bo aanranding geweld moord i timidasie? Of is dit sprekend van die ANC se leirskorps se voorbeeld aan die res van die ANC jeug? Komaan…waars die organisasies teen Geweld op vroue? Wasrs die MRK? KOMAAN….EN DIE ANC?

Johann

Deel van die ANC se DNA….geweldenaars en intimideerders!

Nannie

Ja-nee niks van die is op die nuus gewys nie. Maar ai tog as jy wit was, was dit voorblad op al wat koerant is en nog boon-op TV kanaal.

cor

Hierdie is maar net ‘n gewese jeug liga leier wie se humeer bietjie uitgehaak het en die familie twis te ver gegaan het niks nuus waardig nie. Sou dit egter ‘n wit op swart rusie gewees het dan was al daardie genoemde rade en organisasies in hulle massas vanoggend by die hof. Selfs die Tv spanne want dit sou sensasie wees.