Die saak teen die voormalige ANC-LP Vincent Smith is tot 21 Januarie 2022 uitgestel. Die verdediging het meer inligting van die staat versoek ná die finale klagstaat Dinsdag aan hulle oorhandig is.
Die aanklagte sluit nou belastingbedrog, geldwassery, korrupsie en oortreding van die Wet op die Finansiële Intelligensiesentrum. Die aanklagte oor belastingbedrog hou verband met Smith en Euroblitz se versuim om belasbare inkomste tussen 9 Maart 2009 en 11 Julie 2018, ter waarde van R28 miljoen te verklaar, sê Sindisiwe Seboka, woordvoerder van die ondersoekdirektoraat van die Nasionale Vervolgingsgesag.
Smith word in sy persoonlike kapasiteit aangekla en in sy verteenwoordigende kapasiteit vir sy maatskappy Euroblitz. “Hy word aangekla van korrupsie vir vergoeding wat hy van Bosasa ontvang het in die vorm van sekuriteitsopgraderings aan sy huis in Gauteng. Hy staan ook tereg op aanklag dat hy vergoeding van Waterfall Golf Estate (Edms) Bpk en Clidet 69 (Edms) Bpk ontvang het.”
Smith word ook daarvan beskuldig dat hy kontant van Bosasa en ander onbekende persone aanvaar het wat in sy persoonlike bankrekening en sy maatskappy se rekening inbetaal is.
“Hy staan ook tereg op aanklagte van bedrog omdat hy versuim het om inligting oor die vergoeding te verklaar aan die parlementêre register vir ledebelange.”
Die ANC bly maar ‘n tsunami van korrupsie en onbevoegdheid.
En die ander wat almal verdink word……vertragings taktiek werk vir hulle. Die kaders beskerm mekaar…..???
Van uitstel kom afstel dit is hoe die howe die ANC kaders beskerm.
Belasting op sy salaris as LP is seker deurlopend afgetrek. Die onverklaarde 28 miljoen moet dan buiten sy salaris wees. ‘n Leefstyloudit sou dit lankal opgetel het.
Lekker boys. Daar vat hy nou
‘n ANC lid met lang vingers…so wat’s nuus? Wat het hy terug betaal?