Oud-liggaamsbouer in Polokwane vermoor

Pikkie Nel is op 22 Januarie 2016 in Polokwane vermoor (Foto verskaf aan Maroela Media)

Pikkie Nel is op 22 Januarie 2016 in Polokwane vermoor (Foto verskaf aan Maroela Media)

Pikkie Nel (70), ‘n oud-liggaamsbouer van Polokwane, is Vrydag by ʼn spruit in dié stad vermoor toe hy gaan visvang het.

“My pa is die oggend omstreeks 08:00 uit die huis uit om te gaan visvang by die spruit,” het Jeanette Nel, Pikkie se dogter, Sondag aan Maroela Media gesê. Haar pa het glo Woensdag die spruit ontdek naby Ladanna, waar hulle woon. “Teen 10:15 het my ma hom gebel om te hoor of hy al iets gevang het. Hy het gesê hy het inderdaad kurpers gevang, maar wou nog ʼn rukkie by die spruit vertoef.”

Teen 13:00 was Pikkie nog steeds nie by die huis nie, en sy selfoon was afgeskakel.

Jeanette en haar ma is die aand om 19:30 ingelig dat ʼn liggaam gevind is.

“ʼn Verbyganger het die polisie ontbied nadat ʼn liggaam in ʼn rivier gevind is,” het kapt. Mohlaka Mashiane, woordvoerder van die polisie, aan Maroela Media gesê. “Die man se liggaam was vasgebind en hy het verskeie steekwonde gehad.”

Pikkie Nel is op 22 Januarie 2016 in Polokwane vermoor (Foto verskaf aan Maroela Media)

Pikkie Nel is op 22 Januarie 2016 in Polokwane vermoor (Foto verskaf aan Maroela Media)

Jeanette het gesê haar pa was ʼn groot man. “Hy het ongeveer 120 kg geweeg en hy het sy vuurwapen by hom gehad,” het sy verduidelik. “Dit moes ʼn paar mans wees wat hom aangeval het.”

Volgens Mashiane is dit egter nog nie duidelik hoeveel mans Pikkie aangeval het nie.

“My pa is baie erg aangerand,” het Jeanette bygevoeg. “Hy het baie sleg gelyk toe ons hom Saterdag moes gaan uitken. My ma is in skok en ek slaap al vir twee dae nie.”

Pikkie het in 1970 saam met Arnold Schwarzenegger deelgeneem aan die Mnr. Heelal-kompetisie.

Mashiane het gesê niemand is nog in verband met die voorval in hegtenis geneem nie. Die polisie ondersoek ʼn saak van moord.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

49 Kommentare

jongste oudste gewildste
Berhalet Beukes

Weereens ‘n sinnelose, wrede moord! My diepste meegevoel!

anon

ek was ok n inwoner van ladana my ouers en susters bly nog daar like daai plek glad ni so gevaarlik daar hul ruk selfone uit mense se hande kom somer in jou huis in gestap

Dee

Heeltemal reg Kathleen, dan wonder hulle waarom ons rassiste is. Rassisme word geskep deur diegene wat voorgee om daarteen te veg.

Dee

In opvolg oor wat ek mbt rassisme gesê het aan Kathleen – wat kan ‘n hengelaar by hom gehad het wat van waarde was? ‘n Vistrommel, selfoon en miskien ‘n blink horlosie. Daarvoor is hy vermoor. Of was dit vir sy sandale? Hulle is boos en skep self dit wat hulle voorgee teen te veg.

Gideon

Ek begin nou ook dink mens moet na die wêreldhof gaan om hierdie sinnelose moorde aan die groot klok te hang!! Hoe kan moorde plaasvind en geen haan kraai daarna nie? Daar word so groot bohaai gemaak oor dood van ander nasies, maar wat van ons blankes in SA. Kan daar nie gekyk word na die hoeveelheid blankes wat daar in ons land oor is, die hoeveelheid vermoor,en dit dan uitwerk wat is persentasie vermoor. Dit kan dalk as beter maatstaf dien as net die getal vermoor, want dit lyk vir my is te min! Of hoekom begin ons nie… Lees meer »