Oud-polisieman saam met vier ander in Jhb aangekeer

Die gesteelde Audi (Foto: SAPD)

Vyf persone is in Fordsburg, Johannesburg in hegtenis geneem in verband met die besit van ʼn gesteelde motor en die besit van ongelisensieerde vuurwapens en ammunisie.

Kapt. Xoli Mbele, woordvoerder van die polisie, het gesê die SAPD, in samewerking met die Johannesburgse honde-eenheid, het die vyf verdagtes, tussen 30 en 66 jaar oud, omstreeks 10:00 aangekeer. “Een van die persone, wat in hegtenis geneem is, is ʼn voormalige polisiebeampte wat uit die SAPD afgedank is oor korrupsie,” het Mbele verduidelik.

Die inhegtenisnemings volg ná ʼn wenk van ʼn lid van die gemeenskap oor ʼn verdagte motor, ʼn wit Audi, met vyf insittendes.

“Beamptes het na die toneel gehaas en die verdagtes deursoek. Hulle het beslag gelê op twee ongelisensieerde vuurwapens (sonder reeksnommers) en patrone. Die Audi is ook bevestig as ʼn motor wat in September 2018 in Cullinan gesteel is.”

Die vuurwapens sal vir ballistiese toetse gestuur word om te bepaal of dit in enige ander misdade gebruik is.

“Die ondersoek duur voort. Die verdagtes sal binnekort in die Johannesburgse landdroshof verskyn.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

7 Kommentare

jongste oudste gewildste
Francois

Ja nee kyk. Een maal korup altyd korup

Mallie

Daar moet nie eers n hofsaak wees nie. Sluit hulle summier toe en gooi die sleutel weg.

krewzer

Maroela die Audi ter sprake is nie ‘n ‘A’ reeks nie. Dit is ‘n Audi Q3

pieterweskaap

Die berig verwys na ‘n Audi A3 maar op die foto is ‘n Audi Q3.
Is die regte skelms aangekeer?

Danie

Pragtig, Sapd sowel as die lid van die publiek.