Argieffoto
ʼn Prokureur wat spesialiseer in eise teen die Padongelukkefonds (POF) het al hoe meer besorg geraak oor persone wat gekla het dat klaers nie hul POF-betalings ontvang het nie, het ʼn hof in Kaapstad Vrydag gehoor.
Prokureur Paul Davids het getuig in die saak teen voormalige prokureur Eslin Frank Meyer voor landdros Sabrina Sonnenberg. Meyer het skuld ontken op aanklagte van diefstal en versuim om behoorlike rekenkundige rekords te hou.
Meyer (60) het in Mitchell’s Plain en Gordonsbaai as Eslin Meyer Attorneys gepraktiseer, totdat hy deur die Wes-Kaapse hooggeregshof verbied is om te praktiseer ná eise ter waarde van R6 441 657 by die getrouheidsfonds vir prokureurs ingedien is.
Meyer het Davids as ʼn professionele assistent aangestel, in beheer van die firma se departement wat motorvoertuigongeluk-eise teen die POF hanteer.
Davids het die POF se eisprosedures verduidelik terwyl hy onder staatsadvokaat Tommy Bunguzana van die Wes-Kaapse direktoraat vir openbare vervolging, ondervra is. Volgens hom sluit eise die fooie in van mediese praktisyns wat kliënte behandel het vir ernstige beserings wat tydens motorongelukke opgedoen is.
POF-betalings word in die firma se trustbankrekening inbetaal en word aan eisers uitbetaal nadat regsgelde en uitbetalings afgetrek is, het hy aan die hof gesê.
Davids het gesê Meyer was die firma se trustrekeninghouer en Davids het nie self toegang gehad tot die rekening nie.
Davids is omvattend ondervra deur Harley Cloete, regshulpprokureur.
Hy het gesê die motorvoertuigongelukke-eisafdeling het glad verloop onder sy beheer, totdat klagtes oor nie-betaling in 2007 begin het. “As die hoof van die departement was ek die persoon wat met eisers vergader het. Teen 2009 was daar talle klagtes, en dit was moeilik vir my om behoorlik my pligte uit te voer.”
Davids het aan die landdros gesê daar was nooit enige “kwade gevoelens” tussen hom en Meyer nie. Hy was ongelukkig oor die klagtes, aangesien dit sy vermoë beïnvloed het om sy werk te doen. “Die beskuldigde is ʼn goedhartige persoon.”
Die saak hervat op 1 Junie.
My broer het sy linker arm en linker been verloor in ‘n motorfiets ongeluk nadat hy gedurende die aand in ‘n stilstaande vragmotor, wat in die pad gestaan het sonder ligte, vasgery het.
Sy derde pary eis is ook namens hom behartig en nadat die geleerde verteenwoordiger sy kostes afgetrek het, het my broer ‘n skamele R12800 ontvang.
Die POF was nog altyd die gans wat die goue eiers gelê het vir die prokureurs. Die oneerlikheid sal ook nooit stop nie.
Die Mediese fondse le al net solank weer die goue eiers vir al die mediese instansies! So het almal maar ‘n lekker voedings aar ten koste van Jan publiek!
POF moet prokureurs slegs hulle fooie betaal en di eiser dan direk vergoed.
So sal voorkom word dat die eiser ni uitgebuit word deur i skelm prokureur nie. Geen wonder di POF gaan gereeld gebuk onder bankrotskap aantygings nie. Ek is seker as daar i deeglike forensiese audit gedoen word sal daar gesien word dat helfde van alle eise “spook “eise is. Prokureur Dokter ens vorm i sindikaat wat vals eise inhandig en sodoende hulself verryk.
Ek vermoed die prokureur wat tans my Ma se Trust Rekening handteer, waar kan ek regshulp kry of hom laat ondersoek? Of klagte indien, of enigiets? Hy is besig om geld onregmatig te vat, dis nie veel nie maar dis nie reg nie en hy moet verantwoording doen.
Die prokureurs orde is die korrrekte liggaan om jou op te beroep.