Oudburgemeester se FB-plasing versprei soos veldbrand

Lentswe Mokgatle. Foto: Via Facebook

In ʼn tyd wat rassespanning in Suid-Afrika hoog loop, het ʼn plasing van adv. Lentswe Mogatle, die voormalige burgemeester van Mogale City in Krugersdorp, Facebook-gebruikers aan die gons.

Mokgatle het Vrydagaand om 22:55 foto’s op Facebook gedeel van sy plaas wat brand.

“Daar was vanaand ʼn brand op my plaas. Ek weet nie wie dit gestig of hoe dit onstaan het nie, maar soos dinge hier gebeur, het my bure hier aangejaag gekom in hul bakkies en die brandweer bygestaan om die brand onder bedwang te bring voor dit groter skade kon aanrig. Raai wat, hulle is almal Afrikaners,” het hy by die plasing geskryf.

Sy plasing is teen Sondagmiddag byna 10 000 keer gedeel en daar is meer as 410 keer kommentaar gelewer, waarvan by verre die meerderheid van die kommentators die gebaar verwelkom.

S’makhuhle Bokwe Mafuna het op Mokgatle se plasing gereageer en onder meer gesê: “Jy moet ʼn goeie persoon wees, so ook jou bure. In die plaasbedryf weet mense vandag is dit ek en môre is dit jy. Dit was voorheen so in eKasi gewees. Mense het mekaar nodig, en ons almal weet dit,” waarop Mokgatle geantwoord het: “Ons is veilig BraB, te danke aan my boerebure.”

Boitshoko B. Modise Soort het geskryf dié gebaar herstel ʼn mens se geloof in die mensdom, ongeag van ras. “After all, there’s only one race… the human race,” het hy geskryf.

Lerato Cynthia Sereo skryf: “Dank God dat geen lewe verlore is nie. Ons is dankbaar teenoor die bure. Dit is net ʼn bewys dat daar steeds goeie mense daar buite is.”

Gideon Havenga skryf: “Baie goeie nuus om te hoor die brand is geblus. Ons kan as ons almal saamstaan.”

Die sanger Steve Hofmeyr het op Twitter geantwoord: “As Afrikaners aanvaar word, sal hulle tot by die maan vlieg vir hul bure.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

54 Kommentare

jongste oudste gewildste
Anoniem

Mnr. Lentswe Mokgatle ! O-ja onthou net om vir President Ramaphosa te twiet om Hom te vertel van die goeie samewerking en hulp wat Jy gekry het ! Dankie !

Anoniem

Wow great great news we were the and will be always and forever that is our humanity to help.in deed!!!!

Hannah

Adv. Mokgatle, Dankie hiervoor. Ons land het positiewe beriggewing nodig. Dankbaarheid dat die brand geblus is. Dankie ook aan almal wat gehelp het.

Patrys

Wens ek was ook daar om te help

Fanus

Lentswe for President!
Ons is almal SA’ners.