Oudminister in Centurion gekaap

'n Skermskoot van die inskrywing op Keith Khoza se Facebook-blad.

‘n Skermskoot van die inskrywing op Keith Khoza se Facebook-blad.

Siphiwe Nyanda, die voormalige minister van kommunikasie, se Porsche Panamera is Dinsdagaand in Centurion gekaap.

Keith Khoza, die ANC woordvoerder, het die voorval op sy Facebook-blad bekendgemaak. “Wees dringend op die uitkyk vir drie swart mans, almal gewapen, wat pas ʼn blou Porsche Panamera in Rooihuiskraal, Centurion, gekaap het. Die persoon wat beroof is, is genl. Siphiwe ‘Gebhuza’ Nyanda. Die verdagtes het die Johannesburg-roete geneem,” het hy geskryf.

Kol. Noxolo Kweza, woordvoerder van die polisie, het die kaping bevestig en gesê die motor is later naby die plek waar dit gekaap is, opgespoor. Volgens Kweza het Nyanda nie seergekry nie.

Nyanda het vir ʼn kort rukkie van 2009 tot 2010 as minister van kommunikasie gedien. Hy is in hierdie tyd gekap oor sy “luukse voorkeure” nadat dit aan die lig gekom het dat hy in ʼn luukse hotel in Kaapstad tuisgaan eerder as in die ministeriële huis wat verskaf word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

18 Kommentare

jongste oudste gewildste
WF

Dis verstommend hoeveel die ou minister moet verdien om n Porsche te ry…….

PJ

Nuwe SA ou maat kry vir jou

Vic

Ai, minister. Dis vreeslik. Innige simpatie.

FC

“… die motor is naby die plek waar dit gekaap is gekry. ”
mmmmm.

m

Welkom in die misdaadnes. Dis goed as sulke goed met julle ook gebeur dan weet julle hoe voel ons gewone mense.