Oudste tekening ooit in SA gevind

Dié kruispatrone lyk soos ʼn hutsmerk en is met oker op silkreet geskep. Foto: Wits

’n Tekening wat soos ʼn hutsmerk lyk, en 73 000 jaar oud is, is in die Blombosgrot in die Suid-Kaap gevind.

Dit is aansienlik ouer as die vorige rekord van 65 000 jaar van tekeninge wat Neandertalmense in Spanje gemaak het.

Die tekeninge by die Blombosgrot is volgens die artikel in die vaktydskrif Nature deur vroeë Homo sapiens (moderne mens) gemaak.

Die oudste tekeninge wat tot dusver gevind is, is ’n gravure op ’n varswater-mosseldop wat in 2014 op Java gevind is. Dié gravure is ’n halfmiljoen jaar oud en is deur Homo erectus gemaak.

Die skets by Blombos is egter die oudste waar ’n kwas of kryt aangewend is. Die skets is met oker op ’n kleinerige brok silkreet, waarvan die oppervlak glad gemaak is, gevind.

Die aankondiging oor die ontdekking is Woensdag deur prof Christopher Henshilwood, ʼn navorsingsgenoot aan die Universiteit van die Witwatersrand, in die vaktydskrif Nature gedoen.

Henshilwood, van die Universiteit van Bergen in Noorweë, en die res van die span argeoloë het in 2011 aangekondig dat hulle ʼn antieke artistieke “gereedskapstel” ontdek het, wat ’n paar groot slakskulpe bevat het met die oorblyfsels van ’n okerverf.

ʼn Panorama-foto van Blombosgrot in die Suid-Kaap. Foto: Magnus M. Haaland

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: SA-nuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

27 Kommentare

jongste oudste gewildste
Grappietjie

… so hulle was dan die eerste mense in Suid Afrika en dan behoort die land eerste aan hulle…

Antonie

Die mense wat in evolusie glo, moet maar aangaan om die leun te glo.

Eish

73000 jaar, werklik!
Met die eerste maanlanding in die laat 60’s het NASA beteken dat daar 19 voet ruimtestof op die maan se oppervlak moes wees indien aanvaar word dat die maan miljoene jare oud moes wees. Toe Neil Armstrong sy voet neersit op die maan, was dit slegs n paar duim dik. Met die herberekening na aanleiding van diè feit, is bepaal dat die maan op grond hiervan, n rapsie oor die 6000 jaar oud is.
Ek sal maar n skeppings aanhanger sterf, want die feite praat harder dan die mistasting van n aarde wat miljoene jare oud is.

V

Mmmm… En ‘n fosiel dateer die gesteente laag, en die gesteente laag dateer die fosiel… En dieselfde stukkie verf 1 mm onder die aanvanklike monster, radio dateer slegs 2000 jaar oud… Sal graag die wetenskap agter die ontdekkings wil bestudeer?

Adri

Stem saam met Antoni. Evolusie is die grootst leuen wat in die geskiedenis van die mensdom, deur linkse radikales geskep is. EVOLUSIE IS DIE GROOTSTE LEUEN WAT DAAR AAN ONS KINDERS GELEER WORD. Dan is daar sg slim profesore wat dit as die waarheid verkondig.