Oudstudent skuldig ná sy NSFAS-geld blaas

Sibongile Mani het destyds meer as R800 000 geblaas. (Foto: Verskaf)

ʼn Voormalige rekeningkundestudent wat daarvan beskuldig word dat sy honderde duisende rand van die nasionale hulpskema vir studente (NSFAS) geblaas het, is Maandag aan diefstal skuldig bevind.

Sibongile Mani, ʼn oudstudent aan die Walter Sisulu Universiteit (WSU), is deur die streekhof in Oos-Londen skuldig bevind ná ʼn jare lange verhoor.

Mani het sowat R800 000 verduister nadat R14 miljoen in Junie 2017 verkeerdelik in haar rekening inbetaal is. Sy het ʼn gedeelte van die geld op allerlei luukshede soos slimfone en ontwerpersklere uitgegee.

Die geld is verkeerdelik deur Intellimali, ʼn kontrakteur wat NSFAS se betalings behartig, oorbetaal. Dié maatskappy het later self sy flater, wat glo nooit deur Mani aangemeld is nie, agtergekom.

Mani moes inderwaarheid net R1 400 as maandelikse toelaag ontvang het.

Elleck Nchabeleng, die voorsitter van die staande komitee oor onderwys, tegnologie, sport en kultuur, het die skuldigbevinding verwelkom en gesê dit moet as ʼn les vir Mani dien.

“Die komitee doen egter ʼn beroep op almal wat by die saak betrokke is om ondersteuning aan Mani te bied en toe te laat dat sy haar studies voltooi.

“Mani is ʼn begunstigde van NSFAS en sal sukkel om sonder die instelling se ondersteuning die geld terug te betaal en haar studies te voltooi.”

Nchabeleng hoop dat die vonnis die opsie sal insluit om ʼn skulderkenningsooreenkoms met Intellimali aan te gaan en moontlik gemeenskapsdiens te verrig.

Mani sal in Maart gevonnis word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

52 Kommentare

jongste oudste gewildste
Grens

Perfekte ANC kandidaat vir toekomstige minister van finansies.

Herpiet

Wat gebeur met die persoon wat die 14 000 000 oorbetaal het in haar rekening

domheks

Sy moet maar haar pak vat! Nou wil almal haar bejammer, het sy iemand bejammer toe sy so geld spandeer het? Ek glo nie..

krodedil

Dis bedrog. Stuur haar tronk toe waar sy haar studies kan voltooi.

Annamarie

Daardie geld was bedoel, om vir klasgeld, boeke en verblyf te betaal. Vandag moet ek n studielening terugbetaal, omdat ek as ouer, n paar rand meer as die afsny bedrag verdien. Laat sy alles terugbetaal !!!!! As jy nie wil hoor nie, dan moet jy maar voel en die gevolge dra. Amen!