Oudtshoorn-man steel R2 miljoen by munisipaliteit

Oudtshoorn munisipaliteit. (Foto: Wikipedia)

Frikkie van Staden, ʼn munisipale beampte van Oudtshoorn in die Wes-Kaap, is vier jaar tronkstraf opgelê nadat hy skuldig bevind is aan bedrog van meer as R1,9 miljoen.

Van Staden (55) was verantwoordelik vir die onderhou van paaie in dié munisipaliteit. Volgens Zinzi Hani, woordvoerder van die Valke, is hy in 2017 vasgetrek nadat die Valke se ondersoek daarop gedui het dat hy tussen 2010 en 2014 sy skoonsuster aangesê het om ʼn maatskappy onder haar naam te stig, wat hy dan gebruik het om munisipale kontrakte aan toe te ken.

Dit is glo sonder sy skoonsuster se medewete gedoen, aangesien hy die bedrywighede van die maatskappy oorgeneem het.

“Van Staden is sewe jaar tronkstraf vir korrupsie opgelê, waarvan drie jaar opgeskort is, mits hy nie soortgelyke oortredings in dié tyd begaan nie. Hy is nóg vyf jaar opgelê vir bedrog, maar dié is ook opgeskort vir vyf jaar. Hy sal dus effektief vier jaar agter tralies deurbring,” het Hani gesê.   

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Genis

Wat van Ace?

Androclus

En wat van die geld???

Madz

ANC het jou MOOI geleer ou Frikkie! En dan sommer net 4 jaartjies vir 1.9 Miljoen? Well DONE☺

Estelle

Ongelooflik hoe selektief vinnig die regstelsel werk as dit kom by bedrog in SA.

Pieter

Nou hoekom is daar nog nie een menister van die ANC in die tronk nie.