Oudweermaglid wat inligting uitlek kry boete, tronkstraf

(Argieffoto)

ʼn Afgetrede senior offisier van die weermag is in ʼn siviele hof skuldig bevind dat hy die Wet op die Beskerming van Inligting oortree het.

Kapt. (SAN) Bradley Langford Morris (62), ʼn voormalige senior stafoffisier by Verdedigingsintelligensie, is beboet, tot tien maande tronkstraf gevonnis wat vir vyf jaar opgeskort is en beveel om die staat se regskoste te betaal, het Siphiwe Dlamini, woordvoerder van die weermag, gesê.

Morris het ʼn pleitooreenkoms aangegaan. Hierin het hy erken dat hy onwettig sensitiewe en geklassifiseerde inligting aan buitelandse intelligensiedienste, sekere joernaliste en mense in die verdedigingsbedryf uitgelap het.

“Die weermagbevelsraad verwelkom die vonnis wat opgelê is en wil dit weer eens aan alle weermaglede benadruk dat diegene wat soos oudkapt. Morris optree, sonder uitsondering en ongeag rang, posisie of posvlak in die weermag, aan die volle mag van die reg onderwerp sal word,” het Dlamini gesê.

Die weermagbevelsraad sê geen amptenaar in diens van die departement van verdediging mag enige geklassifiseerde inligting sonder toestemming aan die publiek, enige instelling of organisasie, ook die media, bekend maak nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Militêr "Intelligent"

Die groot “geheime” wat hy o.a. verklap het was seker iet soos:

– Die weermag is nie bankrot nie
– Die weermag is nie onbevoeg nie
– Die weermag is gedissiplineerd
– Die weermag is gevorderd en gereed
– Ensovoorts……

B

Ek vermoed die straf is direk eweredig aan die waarde van die inligting wat verskaf is :)

pieter

Wat kan uitlek ,niks want daar is niks net korrupsie. Daar is ook nie meer n weermag nie dit is n gewone bootcamp en n besigheid met onbekwame bestuur en werksmense.

SANW

Die weermag is glo deesdae so modern en gevorderd. Nuwe rekrute kan dit nou “oor die pos” doen.

Hanlie

Al wat by die weermag kan uitlek is watter Generaal ens. weer ‘n vet bonus losgeslaan het vir niks doen nie.