Ouer voor laerskool geskiet

Foto: Emer-G-Med

Foto: Emer-G-Med

ʼn Man is Dinsdagmiddag voor ʼn laerskool in Rivonia in die noorde van Johannesburg geskiet.

Volgens Emer-G-Med is hulle omstreeks 13:52 na Rivonia Primary School in 11de Laan ontbied ná berigte van ʼn skietery. ʼn Pa wat buite die skool vir sy kinders gewag het, is geskiet tydens ʼn gewapende rooftog en ʼn poging om sy motor te kaap.

Volgens paramedici is die man in sy been geskiet nadat hy glo in ʼn struweling met die vermeende kapers betrokke geraak het. Die verdagtes het met sy horlosie gevlug.

Paramedici het die man op die toneel gestabiliseer voordat hy in ʼn ernstige toestand na ʼn nabygeleë hospitaal geneem is vir verdere behandeling.

Die polisie was op die toneel en ondersoek die saak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

16 Kommentare

jongste oudste gewildste
Raymond Bastone

Blikkies dit gaan leke in die nuwe SA. Nee Nee kyk die strawwe is te lig

Asjas

Volgens EWN is hy in die op geskiet? Selfde berig of net baie dieselfde, behalwe die been en kop skoot??

Gerda

Vervlaks hoeveelmoet ons nog VAT…!!!!Suid Afrika het nie hierdie regering nodig nie Ons nodig JESUS CHRISTUS ONS LEIER VAN LIEFDE EN GENADE…

Stapskoen

My innige meegevoel aan die naasbestaandes. Nou natuurlik ken ek nie die hele storie nie maar ‘n skietwond in die been wat tot so vinnige dood lei beteken gewoonlik dat die hoof slagaar (femoral artery) in die been getref is, met gevolg dat die slagoffer baie vinnig baie bloed verloor. Die bloed verlies veroorsaak dat die persoon in skok gaan en daarna is dit afdraande. Die Amerikaanse weermag het studies gedoen en gevind dat bloedverlies die nommer een voorkombare rede van sterftes op die slagveld is, en gevolglik is daar toe nuwe produkte/tegnieke ontwikkel wat baie soldate se lewens gered… Lees meer »

Jan

Wat my pla : as die media kon uit”figure” dat skole ‘n sagte teiken is – waarom doen die polisie nie iets daaromtrent nie? Soos die borde langs die pad wat sê ” hijacking hotspot” – hoekom weet almal daarvan behalwe die staat?