Ouerpaar bly hoop ná seuntjie byna verdrink

Liam Fraser-Bothma. Foto: Facebook

Liam Fraser-Bothma. Foto: Facebook

ʼn Eenjarige seuntjie se ouers hoop steeds op ʼn wonderwerk, meer as twee maande nadat hy byna verdrink het.

Liam Fraser-Bothma van Fourways, Johannesburg, het op 9 Junie amper in die bad van sy ouerhuis verdrink. Hy is na die Garden City-hospitaal in Johannesburg gehaas waar hy sedertdien aansterk. Hy is egter tans weer in ʼn kritieke toestand en sukkel met sy asemhaling.

Liam se ouers, Sean en Natalie, hou lede van die gemeenskap op hoogte van hul seuntjie se toestand op ʼn Facebook-blad. Liam het goeie vordering gemaak sedert hy in die hospitaal opgeneem is, maar is sedert Woensdagaand weer in ʼn kritieke toestand.

“Hy sukkel om genoeg suurstof te kry,” het die familie op Facebook gesê. Liam se suurstofsaturasievlakke was baie laag en is hy onder meer aan ʼn ossillator gekoppel en stikstofoksied toegedien om sy bloedvate oop te maak.

“Nege weke vandag – hoe groter die geveg hoe groter die oorwinning. Die familie is baie broos en moeg, maar terselfdertyd sterk en voel moed in die Here. Vertrou, glo, hoop, veg en prys,” het familie Donderdag gesê.

Die dreineringspyp uit Liam se longe is reeds vroeër verwyder en X-strale het gewys dat sy longe reeds baie herstel het. Liam het ook al sy kop beweeg, maar was nog nie wakker nie. Hy het ook al in ʼn stadium vir kort rukke self asemgehaal.

Liam se ouer broer, Jean, is op 1 Januarie 2014 dood toe hy deur ’n vullisvragmotor raakgery is by ʼn vakansieoord in Limpopo terwyl hy fietsgery het, het Die Pos berig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

21 Kommentare

jongste oudste gewildste
Marianne

?Here hierdie prag baba le op U skoot. U is almagtig ons kniel voor U en in betraande smeek gebede car ons BRING HOM TERUG NA SY OUER HUIS.
U wil is nie ons wil nie. God ons Vader wees genadig. Amen.

charlene

Aan die Mamma: Hoe doen jy dit? Ek sal mal word en sal letterlik mal word, eers jou een kind so aan die dood afstaan en nou nog jou baba wat so in die hospitaal is. Julle verdien dit nie, glad nie. Van een mamma na `n ander mamma bid ek my hart uit dat God jou seun sal gesond maak en dat jy hom binne kort kan huis toe neem. en ons glo daar sal geen breinskade wees. Sterkte aan die ouers.

Poplap

Dis so bitterlik hartseer storie. Mag God oor julle waak

KarooKlong

Innige meegevoel.

Francie

Mag julle in hierdie tyd die Here se liefde, vrede en almag in totale volheid leer ken.