Ouers en baba sterf in ongeluk

Argieffoto Foto: ER24

Argieffoto Foto: ER24

ʼn Egpaar en hul baba het Saterdagaand in Muldersdrift, wes van Johannesburg, in ʼn trompop-botsing gesterf.

“Die ouers en hul baba is vermoedelik op slag dood nadat hulle uit hul bakkie geslinger is,” het Luyanda Majija, woordvoerder van ER24, in ʼn verklaring gesê. Die ongeluk het in Malibongwerylaan naby Leeupark plaasgevind.

Drie mense in die tweede voertuig het beserings opgedoen. “Paramedici het 45 minute lank gespook om een van die persone, wat ernstige beserings opgedoen het, uit die wrak te bevry,” het Majija bygevoeg. “Die ander twee persone het geringe beserings opgedoen.”

Die drie persone is na nabygeleë hospitale geneem vir verdere behandeling.

Die oorsaak van die ongeluk word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.