Ouers ruk op by Pretoriase skool oor plasing

Leerders staan Woensdagoggend rond by Hoërskool Akasia. (Foto: Skermskoot van video op Twitter)

Die polisie is Woensdag na Hoërskool Akasia in die noorde van Pretoria ontbied nadat verskeie ouers en lede van die EFF die skool se ingang versper het.

Die ouers dring daarop aan dat hul kinders geplaas word. In ’n video op sosiale media kan gesien word hoe kinders staan en toekyk terwyl oproerigheid by die skool heers.

Steve Mabona, woordvoerder van die Gautengse departement van onderwys, het aan Maroela Media gesê die polisie is vanoggend ontplooi en leerders en personeellede kon toe eers toegang tot die skoolterrein verkry.

Volgens Mabona het ontevrede ouers en lede van die EFF intussen met die skoolhoof en die skool se beheerliggaam vergader. “Die skool het reeds sy volle kapasiteit bereik, maar het onderneem om tog te kyk of hulle nog leerders kan akkommodeer.”

Mabona het egter daarop gewys dat die skool in Januarie vanjaar reeds ’n nuwe graad 8-klas ingestel het in ʼn poging om die gebrek aan kapasiteit by skole in die omgewing te ondervang.

ʼn Lid van die gemeenskap het aan Maroela Media gesê die situasie is intussen ontlont en die skooldag het sonder enige verdere ontwrigting voortgegaan.

Die departement het ’n beroep op lede van die gemeenskap gedoen om nie skole te ontwrig nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

32 Kommentare

jongste oudste gewildste
Baardman

Help my reg, maar dis die regering wat die plasings doen, nie die skool nie

JM

Lesufi PRAAT net oor skole bou, maar NIKS realiseer nie. Lig jouself Lesufi, voeg die daad by die woord!

Jo-Anne

Hoekom word daardie skool spesifiek geteiken, sekerlik is daar nog skole in daardie omgewing of is dit omdat dit n afrikaanse skool is.

Persheks Adri

Môre is hulle terug en breek af genade die petters het wragtag niks beter om te doen nie gggmmmfff! Kla oor alles en verstaan nie volle kapasiteit nie? Kan hulle nie net verdwyn nie hel man hulle maak moeg

Adriana

Tipies EFF hul sal eerder betoog en moeilikheid maak, hoekom by die skool gaan betoog, gaan betoog voor Lesufi se voordeur, of hoekom begin jul nie iets positief doen vir die land nie, steek jul hande uit en begin nuwe skole bou vir die alreeds oorvol skole. Begin bietjie anders dink as om net altyd negatief te wees en verwag iemand anders moet dit doen.