Annatjie Gouws, Elzeth se tannie, het aan Maroela Media gesê die ongeluk het Vrydag tussen 15:00 en 16:00 plaasgevind. Elzeth was op die R513-pad toe sy vermoedelik reg van voor teen ʼn klein vragmotor gebots het. Elzeth se motor het teen ’n walletjie langs die pad afgerol en op sy dak tot stilstand gekom.
Volgens Gouws het Elzeth se ouers, Frikkie en Rina Gouws, kort hierna verby die ongelukstoneel gery op pad na die plaas waarheen hulle twee jaar tevore verhuis het. Hulle was in Pretoria vir die dag. “Hulle het nie gesien dis haar motor nie aangesien die motor op sy dak gelê het,” het Gouws gesê.
Frikkie en Rina het toe sowat 5 km van die plaas af ’n oproep ontvang waarin hulle meegedeel is hul dogter het verongeluk.
Gouws het gesê haar broer en skoonsuster het onmiddellik teruggery na die toneel. “Ek is self ook uit na die toneel en Elzeth se broer het ook soontoe gekom.” Elzeth is op die ongelukstoneel dood verklaar.
Volgens Gouws het Elzeth in Centurion gewoon en by die ooginstituut by Unitas gewerk. “Sy het deeltyds geswot en sou volgende jaar haar honneursgraad in sielkunde gedoen het.”
Frikkie is ʼn pensioenaris terwyl Rina as ʼn onderwyser werk. Sy tree einde Augustus af.
“Elzeth het baie vir mense omgegee. Sy het altyd probeer help en raad gegee,” het Gouws gesê.
My innige simpatie aan Elzbeth se ouers, familie en vriende. Mag die liewe HERE in sy vertroostende arms toevou. EK WENS ONS OWERHEDE WIL ‘N ERNSTIGE POGING AANWEND OM ONS PAAIE VEILIGER TE MAAK!! PAS NET DIE WETTE WAT REEDS BESTAAN TOE DAN SAL ONS ONGELUKKE MET 90% AFNEEM!!!!
So tragies, so onnodig, so moeilik om oor hierdie berg te kom….
Frikkie en Rina my innige meegevoel met julle groot verlies en smeekbede vir vertroosting.
Karoo groete.
WAAROM waarom die jongmense van ons nasie wat so sterf in ongelukke ??
Sterkte aan die familie.
Die kar het op sy dak TE LANDE gekom!
Hannelie- ek kan nie agterkom waaroor jy kla nie- dit is baie mooi beskrywende wyse om dit so te stel!! Ek dink sommige mense kla net om te kla!
BAIE STERKTE AAN DIE FAMIELIE ONS DINK AAN JULLE. KOBUS EN NAOMI BAIE STERKTE LIEF JULLE BAIE!!!!!!!!:-(
Jammer vir die spelfout!!
Glo nie enige mens verwerk die dood van sy kind ooit nie. Frikkie, Rina en Kobus baie sterkte vir julle en ons dink aan julle. Baie sterkte vorentoe. God alleen kan julle deur hierdie hartseer tyd dra.