WAARSKUWING: Dié berig bevat inhoud wat sommige lesers kan ontstel en is nie geskik vir kinders nie.
Brody het dringend ‘n operasie nodig om sy lewe te red. (Foto: Bloemfontein DBV)
Die Dierebeskermingsvereniging (DBV) in Bloemfontein sê hy probeer alles moontlik om die lewe van ʼn hond te red wat hy kort ná Nuwejaar op Winburg in die Vrystaat gered het.
Die DBV sê hy is geweldig besig dié tyd van die jaar en kry daagliks tientalle oproepe oor diere in nood, maar voel steeds of hulle die hond, wat nou Brody gedoop is, “in die steek gelaat het”.
“Die Bloemfontein-DBV het ʼn oproep van ʼn ouma gekry wat gesê het sy het drie kinders van omtrent tien jaar oud gesien wat ʼn hond vasgedruk en klappers in sy ore probeer druk het.
“Die ouma het die kinders probeer jaag, maar weens haar ouderdom kon sy hulle nie inhaal nie. Sy het geskreeu terwyl sy gesien het hoe ʼn klapper in Brody se oor gedruk is,” het die organisasie gesê.
Die vrou het desperaat begin huil toe die kinders eers klappers na Brody gegooi het en toe ʼn vuurwerk in sy oor gesit het. Sy het ʼn klapgeluid gehoor en Brody gehoor tjank, terwyl die kinders gelag het.
Die DBV sê hy het die oproep van die vrou kort na 05:00 gekry. Sy het gesê die kinders het weggehardloop en die hond was spoorloos.
Die DBV het beamptes na Winburg gestuur en ʼn groot soektog in die omgewing is na die dier begin. “Ons het ure lank gestap om Brody te probeer vind, maar hy was skoonveld.”
Drie dae later het die DBV wéér ʼn oproep gekry, dié keer van ʼn inwoner wat ʼn hondjie in ʼn mangat gekry het. Die hond was ernstig beseer en sy oor bykans afgeruk.
Beamptes is inderhaas terug na Winburg en die vrou wat aanvanklik die oproep gemaak het, het die dier as dieselfde hondjie uitgeken wat sy vroeër gesien het. “Sy het begin huil.”
Die DBV sê Brody was vreesbevange en ernstig beseer. Hy wou ook nie toelaat dat mense aan hom raak nie. “Net die tyd sal leer of Brody weer ʼn mens gaan vertrou.”
Daar was skroeimerke aan Brody se hare, ʼn aanduiding dat hy gebrand het, maar die klappers het minstens nie ʼn breinbesering veroorsaak nie. Hy sukkel tans steeds met ʼn ernstige infeksie en moet dringend ʼn operasie ondergaan om sy lewe te red.
“Dit is moeilik om te dink dat kinders so wreed kan wees, veral op so ʼn jong ouderdom,” ‘het die DBV gesê.
Die organisasie sê hy besef terdeë Januarie is finansieel ʼn moeilike maand vir baie mense, maar dat die DBV dringend geld benodig om Brody te help. Die koste van die operasie gaan nagenoeg R10 000 beloop.
Om ʼn bydrae te lewer, besoek die Bloemfontein-DBV se webblad by www.bloemfonteinspca.co.za of stuur ʼn SMS met die woord Bloemspca na 42646. Elke SMS kos R30.
Die bankbesonderhede is:
Bank: ABSA
Rekeningnaam: BFN Society for the Prevention of Cruelty to Animals
Rekeningnommer: 927 910 2644
Takkode: 632 005
Verwysing: Brody
Daar moet n algehele verbod op klappers geplaas word.Dit moet dieselfde as die wet op plofstof wees.
Amen.
Die vraag is……sal dit toegepas word ??????
Ek stem sou ook graag wou weet wie die gespuit is wat sulke kriminele gedrag om so n jong ouderdom wys.
Dit is die beste kommentaar en die heel beste advies wat ek in ‘n lang lang tyd gelees het Hannetjie.
Ek het trane soos Ek gelees het….
Ek wens orals moet die verdomde klappers verbied word….
En sulke kinders is nie normaal nie
Pakslae want praat help nie. Kinders kort daai opvoeding. Wat is die DBV se rekening?
Ek kyk gereeld na investigation detectives en meeste van die moordenaars wie se lewens daarop uiteengesit word het van jonks af tekens getoon van wreedheid twenoor diere of masts. Dit is nie normaal vir sulke jong kinders nie! Iewers vorentoe gaan hul klei trap!!!
Mense, die vuurwerke is baie lelik en hierdie is ‘n bewys dat dit nadelig is vir mens en die. Afriforum gaan binne kort’ n elektroniese petisie form he wat geteken kan word en vuurwerke te verban. Help asb om dit te maak werk. Almal kla maar kan nie 2 min afstaan om net petisie te teken nie. Afriforum gaan dit nie daar Los nie! Help ons asb om vuurwerke te stop!
Pieter, die rekening is na beraming R10 000 en die rekening nommer vir Bloem DBV is hierbo in die artikel
Op tienjarige ouderdom reeds so wreed en boos? Vader, behoede ons!
Laat die ouers betaal vir al die onkostes.
Ghandi het gesê dat hoe ‘n mens ‘n dier behandel dit wys in die moraliteit van die land. Sulke kinders gaan gewoonlik as ernstige misdadigers uitdraai soos hul ouer word na sulke wrede dieremishandeling. En dit is die in-ding in Suid Afrika van vandag.
Verbeteringskool toe! Wreedaardige gedrag agv huislike omstandighede.
Daar leer hul nog erger dinge.
Vervang die fireworks met drone light shows, fireworks sal dan vinnig uit sterf.
Dis malligheid sit die hond uit en kla
Ek hoop jy het nie troeteldiere nie en as dit n mens was wat was jou antwoord dan.
Ag nee magtig. Sit die dier uit en verlos hom. Wens ‘n mens kan daardie kinders in die hande kry. Maar ja dissepline word mos nie meer toegepas nie
Man ek kan net nie verstaan hoe iemand ‘n onskuldige dier wil martel of seer maak nie. Gaan jy van diere martel na Jeffrey Dahmer toe, waar jy mense opkerf, en in ‘n vrieskas wegsteek? Jy mag nie eers meer die kinders neuk nie. My Pa sou my ‘n lekker paksla gegee het as ek hier betrokke was, en my dan oorgegee aan die polisie om te doen met my wat hulle wil. ‘n Paar nagte in ‘n sel sou sy aanbeveling gewees het…..
Is daar nog verbetering skole vir kinders?
Ek dink nie daar is enige skool wat hierdie kinders sal kan verbeter nie. Dit is ‘n genetiese probleem.
Ek se ook laat die hond saggies slaap Dan is hy verlos van hd wreede wereld en in die hondehemel.
Sulke kinders is duidelik nie reg opgevoed en geleer nie dai voorbeeld is iewers gesien, eks ‘n diere mens ek voel vere vir alles anders ek sal my alles gee vir diere
Persone wat vuurwerke verkoop moet boetes betaal aan al die DBV instansies. Dis deur hulle toedoen dat hierdi wreedaardige mishandeling plaasvind. En dan moet di kinders en volwassenes wat daarvan hou om klappers te skiet verplig word om dienste te lewer by di DBV instansies.
Boete en kriminele rekord kry vir wat dit werd is
Stem saam – vervolg diegene wat klappers onwettig invoer en verkoop. Verbetering skool gaan daai “kinders” niks baat. Miskien dwang arbeid in n woestyn ?
Hulle moet by gemenskapsdiens doen. So 500ure!!!
Dit gaan absoluut niks help. ‘n Kind se persoonlikheid is klaar gevorm op 7 jr. Hierdie kinders het langdurige ernstige behandeling nodig en moet uit hul normale samelewing/omstsndighede geneem word vir 10 jr. Verbeteringskool toe vir hul tot hul 21 is..
Ek het sms gestuur en al my vriende gevra. Dis vreeslik hierdie. Diere wat diere mishandel. Klaar
Ek kan nie glo dat kinders so wreed kan wees nie! Waar sien hulle dit? Nie eens op TV kry jy sulke goed te sien nie, veral nie mishandeling van diere nie. Dit is ñ groot bekommernis, want hoe word hulle groot gemaak en wat is die voorbeeld wat hulle by die ouerhuis kry…….word hul nie geleer om respek te hê vir mens en dier nie?
Wat my die meeste bekommer is die wreedheid van die kinders en die gebrekkige vermoe wat hul toon vir empatie met ‘n ander lewende wese….
As hul op 10jarige ouderdom sulke dinge al doen waar is hul oor 5 jaar? Verkragters, wreedaard monsters wat die samelewing teister? Reeksmoordenaars? Waar eindig hierdie sigopatiese gedrag? Waar is hierdie kinders se ouers? Wie is die ouers van sulke kinders?
Ek vermoed hul het nie werklik ouers nie…. hulle broers of susters wat ook kinders is maak hul heel moontlik soortvan groot…
Stem verban die klapper, bring lyfstraf terug. Daai kinders hoort in n tronk.
Ek hoop hul het die kinders gekry want dan is daar n begin punt
Gedurende die Apartheidsjare was die verkoop van vuurwerke verbode.
Maak dit weer onwettig om dit te verkoop–so maklik soos dit..!!
Of is die owerhede te sensitief oor enigiets wat destyds gewerk het …?
Verbied klappers geheel en al. Moenie dit beperk tot n area nie want ons wetstoepassers kan dit nie beheer nie…hulle kan nie eers misdaad beheer nie. Wat daai kinders aanbetref… hulle moet klaar uit die samelewing verwyder word, klaar n krimineel as is hy net 10
Kinders wat dit doen en dan nog weghardloop vir n ou tannie? Hoekom soek die polisie nie die kinders nie seer sekerlik kan hulle hulle opspoor? Dan maak die ouers vir daai dier se operasies betaal asook vevolg hulle. As die kinders in daai omgewing was dan bly hulle in daai omgewing?
Toe ek daai ouderdom was, het ons operasies op paddas gedoen en klein voëltjies geskiet. Dit was eintlik erger want daai diere is dood a.g.v. ons “kwajongstreke”.
Daars n GROOT verskil tussen nuuskierige kinders wat iets wil leer en kinders wat geweldadige aksies toepas
Kan ouma dalk die kinders uitken dat daar stappe geneem word, maak dan sommer ‘n voorbeeld van hulle as afskrikmiddel vir toekomstige oortredertjies! En ja Poplap, ek stem heelhartig saam met jou kommentaar. Ek het my sms gestuur vir die stomme diertjie. Maroela, hou ons asb op hoogte met sy vordering.
1. VERBAN enige vuurwerke in en invoere na SA
2. Die skuldige kinders en hul ouers moet aangekla word , regsstappe en gevonnis word. Hulle moet ook die SPCA rekening betaal al vat dit hulle 10jaar. Dit sal toekomstige martelaars 2keer laat dink. Ouers moet hul kinders opvoed om NIE te verwoes nie.
3. Die samelewing moet deel wees van opvoed – elkeen moet sy deel doen by kleuters, skole, SPCA, ens ens. Hou op om op die kantlyn te sit. Dis 2020 – Doen iets mense !!!
Dis ni di arme hondjie se skuld ni man….hoekom nou sy lewetjie kort knip. Gaan nou my donasie maak….????
Ek het twee SMS’se gestuur. Hierdie duiwels behoort agter tralies. Hoop die hondjie herstel en word iemand se ‘kind’ waar hy veilig sal wees en net liefde ervaar. As ek kon, sou ek hom onmiddelik aanneem. Liewe Here, hou U hand oor die hondjie.