Argieffoto
ʼn Brand wat die grootste deel van die week in die berge tussen Swellendam en Barrydale in die Wes-Kaap gewoed het, is Saterdag geblus.
“Ons het ʼn span wat steeds die gebied dophou, maar die brand is geblus,” het Reinard Geldenhuys, hoof van Overberg-brandweer, gesê.
Die brand is glo Vrydagaand onder beheer gebring en was Saterdagoggend heeltemal geblus. Hy het gesê satelliettegnologie sal volgende week ingespan word om die omvang van die skade te bepaal.
Die brand het Dinsdagaand weens ʼn weerligstraal ontstaan.
