Overberg-brande woed steeds op plekke

Eiendom op Bettysbaai wat onder die brand deurgeloop het. Altesaam 31 woonhuise het is in puin gelê, 28 is deels verwoes en sowat 12 800 ha veld het afgebrand. Foto: Jean da Cruz (via Facebook)

Video: Brandbestryders swoeg vanoggend voort teen brande in die omgewing van die Hemel-en-Aardevallei en Karwyderskraal naby Hermanus, maar hier kon skade aan eiendom tot dusver voorkom word.

Op en rondom Bettiesbaai, waar die krag- en watertoevoer nog nie herstel is nie, is die brand bedwing en duur opruimingswerk vandag voort terwyl die brandweer ʼn oog hou om te voorkom dat die brand opvlam, sê die Overstrand-munisipaliteit in sy jongste opdatering oor Vrydag se verwoestende brand wat sowat 30 huise op Bettiesbaai in puin gelê het.

Die brandweer het oornag die situasie op dié kusdorpie bly monitor nadat brande wat Saterdag opgevlam het, geblus is. Geen nuwe brande is die naweek op Bettiesbaai aangemeld nie en waar die brand nog gesmeul het, is dit geblus.

Watertenks is by Penguin Place en Best Place in Clarence-rylaan (R44) geparkeer, terwyl die munisipaliteit nog nie weet wanneer Eskom die kragtoevoer sal herstel nie.

In die kloof wes van Volmoed, sowat 5 km noordoos van Hermanus in die Hemel-en-Aardevallei, is brande nog aktief, maar dis moeilik bereikbaar. Ook hier is die situasie oornag gemonitor.

Die munisipaliteit sê die bedreiging vir huise en die restaurant La Vierge in dié omgewing is afgeweer deur regstreeks en ongeregstreekse pogings op land en in die lug.

By Franskraal, 50 km padlangs suidoos van Hermanus, is die brand onder beheer terwyl spanne gister begin opruim het. Suid van die R43 was Sondag geen brande wat opgevlam het nie, maar wes daarvan was ʼn 200 m lange aktiewe brandlyn.

Brandbestryding is gister met grondspanne, ʼn helikopter en grondeienaars se hulp uitgevoer, maar geen gemeenskappe was in gevaar nie.

Alle paaie in die Overstrand-omgewing behalwe die De Bosdampad is oop, onder meer die R44, R43, Karwyderskraal en R320. Verkeersbeamptes monitor die situasie deurentyd om toe te sien die paaie is veilig of om verkeer te herlei.

Lees alle vorige berigte oor die Overberg-brand op Maroela Media.

Bettys Bay Runaway Fire

#BettysBayFire 11/01/19: There were 3 large runaway fires in the Overberg yesterday afternoon as gusting winds close to 100kph were pounding the coastline. I arrived in Bettys Bay shortly before 2pm as the fire barrelled down into the Eastern part of the town.I'm so grateful for being in the right place at the right time to assist people in need, particularly an elderly couple whose car had caught on fire as they were trying to escape. Our thoughts are with all those affected by these runaway fires and our heartfelt praise to everyone who helped throughout the afternoon and into the evening – Firefighters and their support teams, Volunteers, Officials and the surrounding communities all came to the aid of those in need!Filming for Walking with Fire: A Wildfire Documentary#FireIsEveryonesFightLatest updates – Greater Overberg FPA***Questions about the video***- Dogs barking in the house? The owner was on the property and they were not left alone- How many properties were affected? 31 Residential properties completely destroyed. 28 Properties sustained partial to major damage

Posted by Justin Sullivan on Friday, January 11, 2019

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

5 Kommentare

Hermanus ·

Ek wonder nou hoeveel waarheid is in die storie dat dit ‘protest fires’ was…

mina ·

Jy kan dit maar glo dis brandstigting waar anders kom nou so baie brande in Kaap voor. Die krimenele EFF en ANC wat dit doen wil die DA en Wit mense in wes Kaap Breek daardeur is daar baie van hul eie ondersteuners wat se plekke ook afbrand maar hul gee niks om vir hulle persoonlik nie solank hul later die room kan afskep vir hul verkiesing uitslae in wes Kaap

Drieks ·

Wil ons ook weet. Elke Jan raap en sy maat stuur deesdae whatsapp boodskappe uit wat geen bewyse bevat nie.

Chris Ws ·

Drieks al die snert wat op whatsapp verkondig word het gemaak dat ek my whatsapp uit my foon gehaal het.Sms’e werk vir my.Hier is duisende mense wat snert propaganda op whats app versprei om paniek te saai.

ZAR ·

Mense hier is nie bewus dat daar steeds proteste aan die gang is in Hermanus nie. Die mense is op video gevang hoe hulle die brande aansteek .. dit terwyl daar polisie is wat dit toekyk. Dit kan by die deur van die “Overstrand Unite” gelê word.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.