Overstrand-burgemeester sterf

Rudolph Smith (Foto: DA)

Rudolph Smith, die burgemeester van Overstrand in die Wes-Kaap, is Vrydag dood.

Bonginkosi Madikizela, provinsiale leier van die DA in dié provinsie, het die nuus bevestig.

Smith is glo dood weens komplikasies ná ʼn operasie om ʼn breingewas te verwyder.

“Die DA het in ʼn belangrike tyd ʼn toegewyde lid verloor. Ons is ʼn paar maande weg van die 2019-verkiesing en sy bydrae sal baie gemis word.

“Hy het sy lewe toegewy om die afgelope 14 jaar ʼn verskil te maak as raadslid, adjunkburgemeester en burgemeester. Ons wil ons diepste medelye aan die familie bied,” het Madikizela gesê.

Meer inligting was nie onmiddellik bekend nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Elisabeth Kruger ·

Sterkte aan die Gesin en Ouers wat agterbly. Julle kan trots wees oor sy harde werk.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.