Pa dood, seun kritiek ná VS-plaasaanval

Argieffoto (Foto: Unsplash)

’n Boer is dood en sy seun in ’n kritieke toestand nadat hulle in hul plaashuis in die omgewing van Hennenman in die Vrystaat oorval is.

Brig. Motantsi Makhele, woordvoerder van die polisie, sê ’n werker van die gesin het Vrydagoggend omstreeks 05:00 op die pa en seun in die plaashuis afgekom nadat die boer se vrou haar gebel en gevra het om ondersoek in te stel.

Die boer se vrou was nie tuis ten tyde van die aanval nie en kon hulle nie in die hande kry nie waarna sy die werker gekontak het.

Die 56-jarige boer is vermoedelik in die huis oorval en in die kop geskiet. Sy seun (26) is vermoedelik met sy aankoms tuis oorval en in die rug met ’n skerp voorwerp gesteek.

Die werker het vanoggend familie van die slagoffers gekontak waarna die polisie na die plaas ontbied is. Die pa is vanoggend op die toneel dood verklaar en sy seun na ’n hospitaal gehaas.

Dit word vermoed dat een of twee vuurwapens in die aanval gesteel is.

Dit is nie in dié stadium duidelik hoeveel verdagtes by die aanval betrokke was en hoe hulle van die toneel gevlug het nie.

Marius Müller, nasionale operasionele koördineerder van AfriForum, sê die seun word tans in ’n hospitaal in Welkom behandel.

“Sy toestand is kritiek.”

Dit is minstens die derde plaasmoord in net meer as ’n maand in dié provinsie.

Dít volg na die moord op Brendin Horner in die omgewing van Paul Roux asook die moord op Dave Wessels buite Viljoenskroon.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

35 Kommentare

jongste oudste gewildste
Smurf

EFF ? Hulle word aangehits om sulke gruweldade te pleeg en plase aan die brand te steek en alles te verwoes……dit is hulle motto.

Kokerboom

Absoluut tragies. Ekt NIE meer woorde Nog ‘n statistiek en regering voel vere!!!Sy boewe element doen hul werk en hul is ‘n armlengte ver!!!

Morné

Ek wag op n antwoord asb

ES

Sterkte aan die familie…

Dis vreeslik tragies en al wat ons kan doen is om toe te kyk hoe die hele boerevolk uitgewis word.

Lorna

Ag toggie waarom
Ons weet wie sit agter die aanvalle hul wil ons bloed sien vloei
God wees met famielies en vriende Amen
Ek nie teen optogte nie ek op al die groepe maar wat help dit