Pa doodgeskiet ná motor sonder petrol staan

Rusa-beamptes is omstreeks 20:12 na die toneel ontbied (Foto: Rusa, Facebook)

ʼn 38-jarige man is in eThekwini, KwaZulu-Natal, ten aanskoue van sy vrou en tienerseun doodgeskiet nadat hul motor sonder brandstof langs die pad gaan staan het.

Volgens Prem Balram, woordvoerder van Reaction Unit South Africa (Rusa), is die gesin Woensdagmiddag na die middestad van Verulam om skoolklere vir die 13-jarige seun te koop.

Op pad terug na die gesin se huis in Buffelsdraai, eThekwini, het die gesin se blou Honda Mobilio sonder brandstof gaan staan – sowat 200 meter van die huis af.

Die man het skietwonde in sy kop en bors opgedoen (Foto: Rusa, Facebook)

“Die man het verbygaande motors se aandag probeer trek om die gesin te help. ʼn Rooi Toyota Tazz het stilgehou. ’n Passasier het uit die voertuig geklim en sonder waarskuwing skote in die rigting van die gesin se motor afgevuur. Die Tazz het daarna weggejaag,” bevestig Balram.

“Gemeenskapslede het Rusa om 20:12 na die toneel ontbied. Met beamptes se aankoms op die toneel het die man reeds aan sy skietwonde beswyk. Hy het skietwonde in die kop en bors opgedoen.”

Die vrou en tienerseun het ongedeerd van die voorval afgekom.

Maroela Media het navraag aan die polisie gerig en wag nog op terugvoer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

30 Kommentare

jongste oudste gewildste
Jack

Wel die KZN provinsie is vinning besig om die mees geweldadigste provinsie in die land te word.Bly weg.

Strandloper

Dit is n daad van oorlog!

Shakespeare

Hierdie verwoestende, moordlustige, korrupte, etniese genes is oorvoedig in ons land en sal NOOIT verander nie.

Elize

Vreemde gedrag! Klink meer soos ‘n ‘hit’.

Jr

This country has gone to the “dogs”.