Pa en baba saam vermoor

Argieffoto: Nico Strydom

ʼn Pa en sy sewe maande oue baba is Woensdagaand in hul huis op Veeplaas in die Oos-Kaap doodgeskiet in ʼn voorval wat volgens polisie na ʼn huurmoord lyk.

Kapt. André Beetge, Oos-Kaapse polisiewoordvoerder, sê die 40-jarige man, ’n 32-jarige vrou en hul babadogtertjie het saam in dieselfde bed in hul huis in Mabasostraat geslaap toe twee verdagtes die huis se voordeur omstreeks 22:00 oopgeskop het.

Een van die verdagtes het verskeie skote op die pa en baba afgevuur terwyl die ma onder die beddegoed weggekruip het.

Volgens Beetge het beide pa en dogter, intussen as Siyabulela en Asesakhe Vena geïdentifiseer, op die toneel gesterf. Die ma is wonderbaarlik nie gewond nie.

Die twee verdagtes het met leë hande van die toneel gevlug. Die motief vir die moorde is op die stadium nog onbekend, sê Beetge, maar alle moontlike leidrade word ondersoek.

Die polisie doen ʼn beroep op enigeen met inligting rakende die voorval om kol. Willie Mayi by 082 697 5914 te skakel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

40 Kommentare

jongste oudste gewildste
Helena

Baie baie wreed..waarom die sinnelose moorde.

CSI

Huurmoord? En die moeder is ongedeerd?

melanie

Ag sies man hoe wreed kan mens wees? Die arme mense, vervloek is julle wie hiervoor verantwoordelik is

honourable member

Dis omdat daar geen afskrikmiddel vir moordenaars is nie. Hulle weet hulle gaan niks oorkom nie. n Lewe het baie goedkoop geword in hierdie land.

Nicks

Die ma het onder die “beddegoed” weg gekruip. Ja, ‘n koeël kan mos nie deur ‘n kombers skiet nie? “Se-ma-net”