Pa en dogter vas oor seksuele dade met honde, mekaar

Argieffoto

Argieffoto

ʼn Pa en sy dogter het Dinsdag in die Brakpan-landdroshof in Gauteng verskyn nadat hulle in hegtenis geneem is omdat hulle glo seksuele dade met ʼn hond en mekaar gepleeg het.

Kapt. Joep Joubert, woordvoerder van die Brakpan-polisiestasie, het Woensdag aan Maroela Media gesê die 42-jarige man en sy 21-jarige dogter van Brenthurst in Brakpan, is vroeër die maand in hegtenis geneem op aanklagte van bestialiteit en bloedskande.

Die polisie, in samewerking met die Brakpan-dierebeskermingsvereniging (DBV), het op inligting reageer waarna die twee op 7 November in hegtenis geneem is. Hulle het na bewering seksuele dade met mekaar en ʼn hond gepleeg en onder andere ook foto’s en video’s van die dade afgeneem. Die polisie het beslag gelê op die beeldmateriaal.

“Die verdagtes het die naweek ná hul inhegtenisneming agter tralies spandeer, en is die Maandag op borgtog vrygelaat,” het Joubert gesê. “Hulle moet weer op 14 Januarie in die hof wees.”

Alhoewel die twee reeds in die hof verskyn het, mag hul name nie bekend gemaak word alvorens hulle gepleit het nie omdat die vermeende misdrywe seksueel van aard is.

Die DBV het die hond van die perseel verwyder.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Liesl

Hoe siek kan mense wees? Dit is regtig walglik!! Diere kan hulself nie beskerm nie. Ek het geen simpatie met pa of dogter nie. Op 21 ken mens al die verskil tussen reg en verkeerd.

Jasper

Die naarheid oorval my.

Estelle

OMW! Siek siek siek verby!

Oom Koos

Brakpan O Brakpan!!!!

jenny

Dis so SIEK!!* Dis sulke mense wat SA n aklige plek maak.