Pa gevonnis vir verkragting van eie dogter

Argieffoto: Kent Williamson

ʼn Man van Vredenburg in die Wes-Kaap is Woensdag lewenslange tronkstraf deur die Vredenburg- streekshof opgelê vir die seksuele aanranding en verkragting van sy eie dogter.

Lt.kol. André Traut, polisiewoordvoerder, het gesê volgens hofstukke het die pa sy dogter reeds op negejarige ouderdom, in 2008, seksueel begin aanrand.

Hy het haar glo sedert 15-jarige ouderdom verkrag en misbruik.

Volgens Traut kon die pa daarin slaag om die dogter te oortuig dat hy niks verkeerds doen nie, maar sy het hom in 2016, op 17-jarige ouderdom, by die polisie aangemeld.

Die polisie verwelkom dié vonnis. “ʼn Deeglike ondersoek het tot die spoedige vonnisoplegging bygedra, en ons is tevrede met die regter se besluit,” het hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

23 Kommentare

jongste oudste gewildste
leon pit

Ja as alle verkragting sake so spoedig afgehandel word dink net hoe n verandering ons samelewing kan plaas vind. Hoop hy vrot in die tronk.

Lyn

Hoe kan ‘n pa dit aan sy dogter doen?

Johanna Botha

Wat n skande. SA het regtig n probleem met verkragting met 4 verkragtings elke minuut volgens betroubare statistiek.

Hannelie

Ek stem Jan maak n plan, bygese, daar is een woord wat nie pas in die berig nie, “pa”

Vonnis

Lewenslank? Mooi so !!!!!