ʼn 38-jarige man, wat daarvan beskuldig word dat hy sy 12-jarige dogter verkrag het, se aansoek om borgtog is in die Klerksdorp-landdroshof van die hand gewys.
Die man word daarvan verdink dat hy sy dogter by hul huis in Jouberton naby Klerksdorp in Noordwes verkrag het. Die saak is tot 23 Augustus uitgestel vir verdere ondersoek.
Henry Mamothame, woordvoerder van die Nasionale Vervolgingsgesag (NVG), het gesê die eerste verkragting het glo op 31 Mei 2021 plaasgevind toe die pa sy dogter aangesê het om haar klere uit te trek voor hy seksuele dade met haar gepleeg het. Hy het haar glo die volgende dag weer verkrag.
Die beskuldigde is op parool vrygelaat ná hy in 2008 aan ʼn soortgelyke oortreding skuldig bevind is. Hy is in 2016 vrygelaat op parool en sy parool sou op 23 Desember 2023 tot ʼn einde gekom het, het Mamothame bygevoeg.
“Die kind het die verkragting by haar ouma aan haar ma se kant aangemeld. Die familie het die saak by die polisie aangemeld. Die kind het by haar pa gebly ná haar ma se afsterwe.”
Die man bly in aanhouding.
Vark
Wanneer gaan die wêreld leer dat verkragting nie reabiliteerbaar is nie??? Retoriese vraag…
dis plainweg siek om te verkrag, wat nog van as dit jou eie is.
Die man het ‘n afwyking en sal nooit regkom nie. Slegs medikasie sal help maar wie gaan dit monitor? Hou hom liewer in die tronk weg van die gemeenskap af.
Vir altyd.
Wie het hom uitgelaat op Parool en hetenig met sy gesin.
Daai persone moet ook van nalatigheid asngekla word