Pa kom op babalykie in dogter se kamer af

Argieffoto ter illustrasie. (Foto: Unsplash)

Die liggaam van ʼn pasgebore baba is Woensdag in ʼn klerekas in Graaff-Reinet in die Oos-Kaap aangetref.

Kapt. Bradley Rawlinson, woordvoerder van die polisie, het aan Maroela Media gesê ʼn ouerpaar het ná werk by hul huis in Kingwillstraat gekom.

Die pa het volgens Rawlinson om die een of ander rede onraad vermoed, hul 22-jarige dogter se kamer deursoek en hiér op die liggaam van ʼn babaseuntjie in haar klerekas afgekom.

Die liggaam was in ʼn handdoek toegedraai en in ʼn boks in die kas versteek.

Volgens Rawlinson is die polisie omstreeks 18:15 na die huis ontbied. ʼn Voorlopige ondersoek toon dat die baba na bewering reeds Sondag gebore is.

“Dit is nie duidelik of die baba doodgebore is en of hy later dood is nie,” het Rawlinson verduidelik.

Die polisie vermoed dat die dogter die baba van haar ouers wou wegsteek. ʼn Geregtelike doodsondersoek word gedoen.

Die klag kan moontlik verander hangende die uitslag van ʼn nadoodse ondersoek, het Rawlinson verduidelik.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 22:00 en 06:00 op Vrydagaande, Saterdae, Sondae en Maandagoggende.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.

36 Kommentare

charmaine ·

Terwyl die land uitvaar teen mans en vra vir die doodstraf, wat nou van die 22jarige vrou wat haar baba versteek? En is dit ooit haar baba? Waar trek ons die lyn tussen mans, pa’s, oupa’ en oom’s en die van ma’s, vrouens wat ook maar moor, aanrand, mishandeling?

Maria ·

Ai toggie. Hoeķom weg steek sy sou nie baie lank dit kon doen nie. Ek voel sy moet nog steeds gestraf word ongeag wat die uitslae sê… Want hoekom swangerskap weg steek en dan ook die geboorte en dan nog die kind in die kas bere… Sulke mense moet nooit kinders hê nie… Daar is mense daar buite wat baie graag n kindjie soek maar kan nie een van hul eie hê nie…

Louise ·

Dis baie erg! Maar nou wil ek vra? Die saak word as moord gesien en ek stem saam maar daagliks word 100de babas geaborteer, wat is die verskil? Een is moord en een nie!!??

Alida ·

Stem saam, Louise. Vroeër of later, dit is en bly ‘n babatjie, ‘n nuwe klein mensie deur God geskape…

Elsabie ·

@Nika – Dis ‘n mensgemaakte wet!! Dit bly moord. Daar is ‘n hartklop van die begin af! Dis MOORD!

Kornel ·

Sorry julle maar my woorde is klaar. Klaar klaar klaar. My vrou verwag ons 2de kind (November 2019) alles is al reg gesit. Ek sit sonder werk en gaan mal in my kop daarooor. Ons dogter is so so pragtig en ons is mal oor haar. Lief lief en nogmals lief vir haar. Dan doen mense dit. Ek voel jy is GeSeende as jy n kind mag he. Die Here besluit. Maar ja deesdae verstaan ek nie meer nie. Die bybel waarsku ons van die dinge. Mag elke kind en dier asseblief deur ons Vader beskerm word. Maak die ouers se oe oop.

Stuiwer ·

Kornel, ons neem ons eie besluite, God neem dit nie vir ons nie. Ons besluit om kinders te hê, om watter rede ookal. Dit is God wat dit laat gebeur, want alle lewe kom van Hom af. Ons moet net sover moontlik wyse besluite neem. Dit help nie om kinders te hê as jy nie vir hulle kan sorg nie. Ek vermoed dit kan dalk die rede in hierdie meisie se geval gewees het. Sy was duidelik nie in staat om vir die kind te sorg nie. Die vraag is net, hoekom dit vir jou ouers wegsteek? Die waarheid sal wel uitkom. Sterkte met die werksoekery.

Essie ·

Hoe kpn hul vir 9maande gladnie ahterkom hul dogter is verwagtend nie

Hartseer ·

Dit is moord, aborsie is ook moord. Dit staan duidelik so in die Woord van God. Praat vir die wat nie kan. So hartseer, wens ek kon die baba aanneem.

Alida ·

Dit slaan my dronk dat die ouers so onbetrokke was by hul dogter dat hulle nie agtergekom het sy is swanger nie!

Santjie ·

Hoe weet jy die ouers was onbetrokke? – dis seker JUIS omdat hulle betrokke was dat haar pa onraad vermoed het – moontlik gesien haar liggaam lyk nie meer dieselfde nie en ook moontlik aan haar houding agtergekom dinge het verander.

Amanda ·

En di ouers het nooit gesien haar maag en borste groei nie? En ewe skielik weer maer geword. Regrig?

???? ·

Hoekom het die Pa onraad vermoed?
Was sy ooit swanget?
Wie se baba is dit?

annie ·

Ek wonder wat is die verhouding tussen die meisie en haar ouers, en vriende. Wat se angs en vrees vir verwerping moes sy dalk deurmaak? Wie is ek om die eerste klip op te tel.

Zorro ·

Annie – jy’s ‘n vreeslike alleen stem, maar ek stem saam met jou. Laat ons eers bietjie wag voor ons stenig. Laat ons eers die hele storie kry.

McG ·

Inderdaad Annie. Ek wonder of mens nie liewer moet wag tot al die feite gegee is in die saak nie. Niemand van ons was op wnige stadium in die mense se huis of ken hulle persoonlik nie?
Miskien oordeel ons bietjie vinnig….

Essa ·

Hier is min inligting, maar my vraag is waarom sou sy die swangerskap wou wegsteek? Het sy geweet sy gaan verwyt word? Geen simpatie/hulp ontvang nie? En toe kraam sy bang en alleen en dinge loop skeef? Hoe ook al, ek voel baie jammer vir almal betrokke in hierdie tragedie.

McG ·

Inderdaad Annie. Ek wonder of mens nie liewer moet wag tot al die feite gegee is in die saak nie. Niemand van ons was op wnige stadium in die mense se huis of ken hulle persoonlik nie?
Miskien oordeel ons bietjie vinnig….

Tanya ·

Geen 1 se lewe te meer in SA nie of jy lewe of jy dood is of gemaak word

my opinie ·

wat se die gesegde – loop eers in ‘n ander ou se skoene ne!!!!! – hou op oordeel mense magtig julle weet nie wat daai mense se omstandighede was nie of wat daar gebeur het nie – ons en ja ek praat van ons blankes wat so verskriklik vinnig is om ‘n klip op te tel en oordeel te fel – wat maak jou dan veel beter of meer heiliger? sterkte aan familie

Ange ·

Pasgebore klein baba. Dis baie hartseer maar niemand sal weet wat die rede daarvoor werklik was nie. Die meisie is moontlik baie depressief en ouers kon nie sien iets is fout nie? Baie vreemd. Net die Here weet wat haar omstandighede is. Dit is wel verkeerd wat sy gedoen het sou dit haar baba wees, ek stem glad nie dat dit reg is nie. Dit is baie hartseer om selfs daaraan te dink. Ek wil nie kinders he nie want nie eers ek self is veilig in die land nie wat nog van my kinders? Shame hoop sy kry berading en dat haar ouers haar bystaan diè keer.

Wielspore ·

Let wel dat my kommentaar vir jonger mense en party volwassenes aanstoot mag gee.
Ek lees van ‘n aangenome tiener seun wat vir sy aan neem ma vra, “Mamma, hoe gaan ek weet of my biologiese ma my in die lewe gebring het vir die plesier van seks of uit liefde”.

Rots inni Bos ·

Dit is baie belangrik dat daar n oop en veilige hawe tussen ouers en kinders van kleins af is. Ons moet ons kinders dissipline gee as hulle stout is en ook koester wanneer hulle weerloos voel. So voel hulle veilig en kan met enige een van hulle ouers oor hulle elke daagse goedjies praat, groot of klein.

Dankbaar vir ouers ·

Sjoe, die is bitter erg om te lees. . . dan dink ek, hoe gelukkig is ek om op 32 nog my pa te kan bel en gesels oor dinge wat my pla en toekoms planne en raad te vra oor wat dink hy. . . of n ma wat weet iets is verkeert sonder dat jy n woord sê. . . al bly jy kilometers uitmekaar en sien mekaar min. . . nie alle kinders het daai voorreg nie . . . wat ookal deur jou kop gegaan het pop moes erg wees al was dit so nie die regte ding om te doen nie moes jy erens support gehad het wat nie daar was nie. . . sterkte vir almal. . .

BB ·

Ai mense die ouers het dalk geweet dat sy swanger is. En dalk so agter gekom iets is nie pluis na Sondag nie? Sterkte vir daai oupa, kon nie maklik wees nie.

wondermaarnet ·

Dis n vreeslike ding om met enige iemand te gebeur en dis nie reg wat sy gedoen het nie, maar het julle al in ag geneem dat die girl dalk in depressie was of nie met haar ouers daaroor kon of wou praat nie? Emosies is n sterk faktor wat kan maak dat mense vreemde ongevraagde goed doen. Ek wil ook net by se dat dit soms maklik is om s swangerskap weg te steek deur grooter klere te dra of dalk het haar liggaams-bou dit vir haar maklik gemaak..

Kornel ·

Stuiwer, moet my NIE verkeert verstaan nie. Maar moetnie oordeel nie. Ongelukig werk wit nie. Ons hoop en bid elke dag vir n beter SA vir ons julle en almal. Vir ons kinders en almal se kinders. Ongelukig het mense ons ingedoen. Ongelukig is ons ook gevang in daardie strik. Maar weet jy wat, ek Glo my vrou Gli my kind Glo en ons WEET dat ons lewe gaan verander. Dan wil ons mense optel en saam vat na hoogtes wat ons Vader ons gaan gee. Hoop daar is nog mense wat so kan GLO. GeSeende aand vir almal.

RB ·

Kornel, moenie jou ore uitleen. Ek kèn jou situasie so goed. Onbepland, op die pil eers op 5mnde uitgevind ons is swanger, dis nie n gewas. Als verloor danksy skelm slenter van n ander. Ons het gekies om op God en Hom alleen te bly vertrou. Baie mense het baie te sê gehad, aangeval, geen genade of liefde betoon. Sy was vir ons bewys van God se liefde, dat Hy met ons n baie besonderse plan het as ons getrou is aan Hom. Vandag, baie jare later, is sy steeds n stukkie hemel in ons lewe en het God Sy woord gestand gedoen, ons kan ander seën en in ander se lewe saai. Bly julle net getrou aan Hom, stel Hom in àlles eerste. Dis nie vir sissies nie maar weet dit: God hou wag oor Sy Woord om dit te volbring. Ek bid die Here se seën, guns, deurbraak en oorwinning vir julle!

PJC ·

Ek wonder hoekom hierdie meisie nie haar ouers in haar vertroue kon neem nie. Was sy dalk bang vir hul reaksie.

Hmmmmm.... ·

Daar is soveel inligting wat ontbreek… hoe ver was sy swanger toe die baba gebore is, en wat van voorgeboorte sorg tydens die swangerskap? Het iemand haar gehelp met die bevalling? Waar het die bevalling plaasgevind? Enige komplikasies dalk teenwoordig gewees? (As dit by kliniek of hospitaal of enigsins deur ‘n vroedvrou hanteer was, moet daar rekords wees…..dis wet) Party mense kan al ver swanger wees, dan lyk dit nie eers of daar ‘n ertjiepit is nie… (en party swanger meisies is “meesters” van geheimhouding… tot ….en van ontkenning ook….) Die verhouding tussen haar en haar ouers maar ook die (vermeende) pa van die baba. Wat gaan die nadoodse ondersoek oplewer?….. en so kan ek oor baie goed wonder. Dit bly baie tragies. Maar kom ons gee die ouers spasie om die gebeure te verwerk en die polisie ruimte om die “geheime” te ontrafel.

Het jy iets op die hart? Maroela Media se kommentaarfunksie word ongelukkig tydelik gesluit tussen 22:00 en 06:00 op Vrydagaande, Saterdae, Sondae en Maandagoggende.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.