Pa kry drie keer lewenslank vir verkragting

Argieffoto

Die streekhof op Richardsbaai aan die KwaZulu-Natalse noordkus het ʼn 36-jarige man drie maal lewenslange tronkstraf opgelê nadat hy sy dogter etlike kere in 2014 verkrag het.

Die slagoffer was vyf jaar oud ten tyde van die voorvalle toe sy by ʼn kinderoppasser in haar ouma se huis gelaat is en die veroordeelde daar sou opdaag. Hy het sy kind telkens van haar oppasser weggeneem en verkrag.

Lt.genl. Thulani Zwane, KwaZulu-Natalse polisiewoordvoerder, sê bure het ondersoek ingestel nadat hulle die kind op ʼn keer hoor skree het. Hulle het die jong slagoffer by haar verkragter weggeneem.

ʼn Klag van verkragting is by die Esikhaleni-polisiekantoor aanhangig gemaak en ondersoek deur die eenheid vir gesinsgeweld, kinderbeskerming en seksuele oortredings.

Die verdagte is kort nadat hy betrap is, in hegtenis geneem en strykdeur die verhoor aangehou.

Dit het tydens die polisie se ondersoek aan die lig gekom dat die pa sy dogter by twee vorige geleenthede ook verkrag het. Hy is effektief drie maal lewenslange tronkstraf opgelê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Dries

Gooi daai sleutel weg…

Bea

Dis ‘n jammerte dat sulke voorvalle eers jaare later aan gegee word! Die trauma vir die kind om herhaalderlik met die misdadiger in kontak te wees.

Cor

2xLewenslank is nog te min . Oor n paar jaar is hy kwansuis grehabiliteer en doen aansoek vir parool met die hulp van n sielkundige en welsyns werker. Hy gaan mos regte he soos alle kriminele. Net die slagoffer het nie regte nie. Sy is geskend vir die res van haar lewe

Elvira

Dankie Regter. Geen parool asseblief. Sterkte liewe dogter ek hoop hulle reel berading vir jou.

G

Beste nuus !