Pa maak eie dogter swanger

Argieffoto

ʼn 47-jarige man is swaar gestraf nadat hy sy eie minderjarige dogter verkrag en swanger gemaak het.

Phindi Mjonondwane, woordvoerder van die Nasionale Vervolgingsgesag (NVG), het in ʼn verklaring gesê die man is in die Johannesburg-streekhof skuldig bevind en gevonnis.

Die man se naam mag nie bekend gemaak word nie om die identiteit van sy 16-jarige dogter te beskerm. Hy het tereggestaan op aanklagte van verkragting, bloedskande, die vertoon van kinderpornografie en seksuele gereedmaking van ʼn kind.

“Hy is aangekla vir die dade wat hy in 2013 gepleeg het. Sy dogter het weens die dade swanger geraak, maar haar pa het dit aanhou ontken ten spyte van DNS wat hom daarmee verbind het,” het Mjonondwane gesê.

“Dit is die ergste soort van kindermishandeling. Die pa, wat veronderstel was om sy kind te beskerm, het haar verkrag, swanger gemaak en toe ook probeer om haar as ʼn leuenaar in die hof af te maak,” het Patrick Morris, staatsaanklaer, tydens hofverrigtinge aangevoer.

Die man is skuldig bevind en tot lewenslange tronkstraf gevonnis.

Die NVG het die swaar vonnis verwelkom.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

32 Kommentare

jongste oudste gewildste
Lorieka

Dit is siek maar hoe kom n moordenaar weg met paar jaar en die een lewens lank???????

Jakes Jacobs

Hierdie tipe van misdaad gaan al hoe meer gebeur. Tronkstraf is lankal nie meer ń afskrikmiddel nie. Bring die doodstraf terug!!!!!!!!!!!!!!

Lorieka

Hoe werk die straf dit is wreed en siek maar n moordenaar kry paar jaar en die pa lewenslank??????

Skande!!

Dis siek en walglik verby!! Nou is daai arme kind vir die res van haar lewe geskend deur trauma en vernederring. Hy moes sommer honderd keer lewenslange tronkstraf gekry het! Ek wonder wat het hy vir homself te se!?? Skande! Skande! Skande! Walglik! Sies man!!!?

CK

Ja jy kan eerder iemand vermoor en martel maar moet net nie jou kind verkrag nie dan gaan jy vir altyd tronk toe