Pa sny kinders keelaf: ‘Ek wil met my lewe aangaan’

Lesiba Kekana in die hof. Foto: ANA

Lesiba Kekana in die hof. Foto: ANA

Die pa van Limpopo wat vroeër vandeesweek skuldig bevind is aan die moorde op sy vier seuns, het Donderdag die hof gevra om genadig te wees wanneer hy gevonnis word.

Lesiba Kekana (37) het Dinsdag erken hy het in September verlede jaar sy vier kinders se kele met ʼn mes afgesny, minute nadat hy en sy vrou oor die telefoon ʼn rusie gehad het. Die egpaar se vier seuns, Bokang (13), Keneilwe (10), Hlologelo (6) en Lekgoledi (4), is almal op die toneel in hul huis in Zebediela dood.

Kekana het Donderdag ter versagting van sy vonnis gesê hy wil graag na sy gemeenskap terugkeer en sy huwelik met sy vrou voortsit. “Ek wil die hof vra om genadig te wees wanneer ek gevonnis word, sodat ek weer met my lewe en huwelik kan aangaan en vir my vrou sorg,” het hy gesê.

Hy het aan die hof gesê hy weet sy verskoning sal nie sy kinders terugbring nie. Kekana het verduidelik hy het kwaad geword toe sy vrou oor die telefoon aan hom gesê het hy is nutteloos. “Ek was teleurgesteld en ontsteld en het gevind ek is inderdaad nutteloos en ek het besluit om selfmoord te pleeg sodat ek kan rus,” het hy gesê. “Maar toe het ek gedink my kinders sal daaronder ly en daarom het ek hul kele met die mes afgesny.”

Volgens Kekana het sy poging om homself om die lewe te bring misluk en hy het die hof gevra om vergifnis. “Ek het dieselfde mes gevat en my eie keel probeer afsny, maar het besef ek hou nie op asemhaal nie. Ek het toe besluit om myself te hang, maar voordat ek dit kon doen, het die woedende skare [inwoners] my deur afgebreek.”

Nozizwe Molepo, die staatsaanklaer, het Kekana se verduideliking verwerp en gesê hy het onskuldige kinders vermoor. “Dit lyk nie asof jy berou het nie, dit lyk asof jy simpatie van die publiek soek,” het Molepo gesê.

Die openbare galery was volgepak met lede van die ANC Vroueliga en lede van die publiek.

Die vonnisverrigtinge gaan voort.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Anoniem

Geen simpatie met jou nie…Begin met die doodstraf by hom…Hy het onskuldige kinders koelbloedig vermoor. Iewers is n skroef los by hom en as sy vrou hom ooit terugvat is sy net so skuldig. Kinders kom van God net so elkeen van ons volwassenes ons was ook kinders…Niks en niemand kan jou genadig wees………………………Jy s n koelbloedige moordenaar………………………………………………………

Anoniem

Nie eers groendakkies gaan dit doen vir jou nie!!!!!!!!!!!!!!!!!!!!!!!!!!!!!!!!!!

Aster

GEEN GENADE vir jou nie! Hy behoort lewenslank te kry. Doodstraf as dit kon!

Anoniem

Jy verdien geen GENADE!!!! Jy verdien die TROnk vir die Res van Jou LEWE!!!!!

Se maar net

En dink jy nie jou kinders sou wou aangaan met hul lewens nie ?! Nee jong, jy kan loop brand in die hel !