Kapt. Jackson Manatha, woordvoerder van die polisie, het gesê die 66-jarige pa is in die Tsomo-streekshof tot 25 jaar tronkstraf gevonnis vir die verkragting van sy biologiese dogter.
Die verkragting het op 25 Desember 2011 naby Ngqamakhwe plaasgevind. Die ma het die pa op heterdaad betrap. ‘n Saak van verkragting is by die Ngqamakhwe-polisiestasie aanhangig gemaak.
Die meisie het aan die polisie gesê dat dit die sewende keer was wat haar pa haar verkrag het. Die man se naam kan nie bekend gemaak word nie ten einde die identiteit van die meisie te beskerm.