Pa van twee voor huis doodgeskiet

Jannie Van der Schyff met sy vrou, Lezel. Foto: Facebook

Jannie Van der Schyff met sy vrou, Lezel. Foto: Facebook

ʼn Man van Delmas is Dinsdagmiddag ten aanskoue van sy vrou in hul huis se oprit doodgeskiet.

Brig. Selvy Mohlala, polisiewoordvoerder, het aan Maroela Media gesê Jannie van der Schyff (46) is deur twee verdagtes doodgeskiet.

Jannie se vrou, Lezel, het glo van die werk af gekom, die elektroniese hek oopgemaak en die erf binnegery. Daar het sy haar man met die twee verdagtes in die oprit gesien. Die verdagtes het drie skote afgevuur, waarvan twee Jannie in die maag en sy getref het. Die verdagtes het in ’n wegkommotor, ‘n silwer VW Polo, gespring en gevlug. Jannie is na die hospitaal gehaas, maar is met sy aankoms dood verklaar.

Mohlala het gesê polisielede is steeds op die toneel om die saak te ondersoek. Hy het bevestig dat niks gesteel is nie. ʼn Saak van moord is aanhangig gemaak.

Jan van der Schyff, Jannie se pa, het Woensdagoggend aan Maroela Media gesê hy is op pad na Delmas. Hy was nie heeltemal seker wat presies gebeur het nie, maar het gesê die familie sal later kommentaar lewer.

Maroela Media verneem dat Jannie en Lezel die ouers van twee jong seuns is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
Deon

Ek is so woedend dat ek eerder moet stilbly….

Ben Fouche

Nie net hy nie. Andre Botha van Jhb is ook doodgeskiet.
Ek dink nie dit is net roof nie.

Ben Fouche

Nie net hy nie. Andre Botha van Jhb is ook doodgeskiet.
Ek dink nie dit is net roof nie.

Alien

Stem saam

Christanam

Dit lyk vir my na hit squads wat wit mans sistematies vermoor. Mag daar die moordenaars spoedig gevang word sterkte aan die familie.