Pa vas na baba se dood

Foto: SAPD/Facebook

Foto: SAPD/Facebook

ʼn 28-jarige pa van Noordwes is in hegtenis geneem vir die moord op sy ses maande oue baba.

Kapt. Pelonomi Makau, woordvoerder van die polisie, het gesê die verdagte het glo by sy vriendin en babaseuntjie gaan kuier in Moruleng. Hy was glo onder die invloed van alkohol.

“Die pa het glo die baba in sy arms vasgehou voor hy hom op die vloer neergegooi het. Die baba het ernstige kopbeserings opgedoen.” Volgens Makau is die seuntjie na ʼn plaaslike hospitaal geneem waar hy later oorlede is.

Die verdagte is in hegtenis geneem en sal Maandag in die Mogwase-landdroshof verskyn op aanklag van moord.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae