(Foto: Megan Swart/Maroela Media)
ʼn 34-jarige Vrystaatse pa is agter tralies nadat hy sy vyfjarige dogtertjie, wat glo te laat tuisgekom het, aangerand en haar gesig met gom besmeer het.
Die pa van Matwabeng, naby Senekal, het die kind Vrydag glo betig omdat sy te laat tuis was en het haar daarna na bewering begin aanrand.
“In die proses het hy haar gesig met gom besmeer. Sy het ʼn paar van haar tande verloor,” sê ao Mmako Mophiring, polisiewoordvoerder.
Bure van die gesin het die polisie ontbied en die man, wat ná sy vrou se dood na die kind omsien, in hegtenis geneem. Die kind is na ʼn hospitaal vir mediese behandeling geneem.
Die Ficksburg-polisie se eenheid vir gesinsgeweld, kinderbeskerming en seksuele misdrywe ondersoek die saak.
Die dogtertjie sal na ʼn plek van veiligheid geneem word nadat sy uit die hospitaal ontslaan word.
Ek hoop hy verloor meer as net paar tande waar hy toegesluit word
Bring hom vir my…..
Superglue oral…..
Nou gaan haal hom.
Wat gaan jy doen? Jou hande is afgekap.
Ons spring soveel vry, ek is dankbaar dat die dogter se bure wel gereageer het en dat die Polisie wel kom help het.