Pa vermoed vermiste dogter is aangeval

Marie en haar pa, Atle. Foto: Facebook

Die vermiste Noorweegse student Marie Ostbo (21) se pa vermoed sy dogter is dalk aangeval, maar is steeds hoopvol dat sy lewend gevind sal word.

Atle Ostbo, Marie se pa, het aan die Sweedse koerant Aftonbladet gesê hy vermoed sy dogter is aangeval aangesien sy nie haar besittings op die strand sou los en met haar nuwe kamera sou gaan swem nie.

Ostbo het Woensdagaand verdwyn terwyl sy saam met ʼn buitelandse studente-toergroep in Sedgefield in die Wes-Kaap vertoef het. Sy het volgens die polisie net ná 18:00 saam met die groep op die strand gaan stap. Sommige studente het Ostbo glo net voor 19:00 laas op die strand, sowat 100 m van waar die groep tuisgaan, opgemerk. Sy was geklee in ʼn paar blou jeans en ʼn wit T-hemp.

Die polisie het haar selfoon, ʼn hoed en skoene op die strand gevind in die omgewing waar sy vermis geraak het.

“Ons hoop en bid dat Marie steeds leef, asook gevind en aan ons terugbesorg sal word. Solank daar hoop is, is daar lewe. Ons het nog nie hoop opgegee dat Marie lewend gevind sal word nie,” het Ostbo se pa op Facebook geskryf.

Kapt. Malcolm Pojie, woordvoerder van die polisie, het bevestig die soektog gaan vandag voort.

Lede van die polisie se honde-eenheid, soek-en-reddingseenheid en duikeenheid, asook die Wildernis-soek-en-reddingseenheid (WSAR), die Nasionale Seereddingsinstituut (NSRI), die provinsiale nooddienste en die plaaslike buurtwag is by die soektog betrokke.

Die NSRI en die betrokke owerhede is intussen in verbinding met Ostbo se familie in die buiteland en word bygestaan deur die polisie, die departement van internasionale betrekkinge en samewerking, die Noorweegse ambassade en die departement van toerisme.

Mense met meer inligting wat kan lei tot Ostbo se opsporing word versoek om die Sedgefield-polisie by 044 343 1321 te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

38 Kommentare

jongste oudste gewildste
Kellies

Wanneer gaan die buitelanders leer om weg te bly, want hulle is nie veilig hier nie. Jy loop mos nie wetend in n leeuhok in nie!!!

Soekspan uit buiteland

Laat die Noorweers help soek, begin n fondsinsameling om soekgeselsskappe te borg, dit sal hulle bewus maak wat die land se politici toelaat hier in SA.

Danie

Weet nie van die vrywillig verdwyn nie. Maar ja die goed in Suid-Afrika let lê selde die genoemde besitting . Hulle is gans te gierig daarvoor. Aan die ander kant: Die misdadige aktiwiteit om mense te ontvoer en dan ‘n groot losprys daarvoor te eis het ook al hier posgevat (veral waar “ryk” buitelanders by betrokke is. Die los van die besittings is dalk net om mense te mislei.

Ek hoop regtig sy lewe nog en dat hulle haar nie enige leed aangedoen het nie.

Stem

Ek stem 100% saam met jou. Sy wou verdwyn, want hulle sal nie ‘n selfoon agter laat nie.
Skoene, selfoon en hoed?

Lizelda

Ek voel werklik jammer vd meisie en haar familie en ons weet nie wat die werklike omstandighede rondom die verdwyning is nie, maar as ek in die Buiteland gewoon het sou ek beslis nie my kinders na n geweld getysterde land soos SA laat gaan nie.