Argieffoto.
ʼn Man (43) is tot ses jaar tronkstraf gevonnis vir die mishandeling van sy sesjarige seun.
Kapt. Xoli Mbele, woordvoerder van die polisie, het Maandag gesê die pa is 6 Julie in die Johannesburg-landdroshof skuldig bevind aan kindermishandeling.
“Die polisie was in Oktober 2016 besig met roetine-misdaadvoorkomingspatrollies in Brixton toe hulle ʼn wenk van beweerde kindermishandeling ontvang. Hulle het hulle na 6de Straat in Vrededorp gehaas en die seun wat uit sy neus en mond bloei aangetref,” het Mbele gesê.
Die pa het hom met sy vuiste aangerand omdat hy ʼn stuk polonie geëet het.
Die kind is na die hospitaal vervoer en die pa is in hegtenis geneem vir kindermishandeling.
O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.
14 Kommentare
En tog gebeur dit gereeld dat kinders mishandeld word en die wat die dade pleeg weg kom met ligte straf en vonnis dit maak my as n ma so kwaad.
Luk 11:11.
Hoe seer is my hart nou ?
Ek het Nie woorde Nie. Ek slaan net my oë op na die Hemel en kan net vra Here wat Gaan aan ???
Of dalk slaan hy hulle nogsteeds maar nou word dit net baie baie baie goed weg gesteek.