Pa wat vlug na baba sterf vasgetrek

Marthinus Pelser. Foto: Facebook

Marthinus Pelser. Foto: Facebook

Marthinus Pelser, die pa van Johannesburg wat verdwyn het nadat sy babaseuntjie van ses maande Saterdagaand dood in sy wiegie aangetref is, is in hegtenis geneem.

Ao. Karen Jacobs, woordvoerder van die polisie, het aan Maroela Media gesê iemand het die Kia Picanto gesien waarin Pelser Saterdag gevlug het en die polisie in kennis gestel. Pelser was glo kort daarna terug by sy huis in Honeydew, maar het besef die polisie is op sy spoor en het weer in die motor gevlug. Hy het egter sonder brandstof gaan staan en te voet verder gevlug.

“Ons het die hele gebied afgesper en na hom gesoek. Hy is in Honeydew in ʼn veld vasgetrek,” het Jacobs gesê. Sy het gesê Pelser sal Vrydag in die Roodepoort-landdroshof verskyn op aanklag van moord.

Maroela Media het vroeër berig Pelser se vrou, Bianca, het Saterdag omstreeks 19:00 van die werk af gekom nadat Marthinus die dag na die egpaar se baba, Deon, omgesien het. Bianca het glo in die slaapkamer na Deon gaan kyk en sy liggaam in sy wiegie gevind waar dit in ʼn kombers toegedraai was. Hy het brandwonde aan sy lyf, kopbeserings en bloed aan sy gesig gehad.

Toe Bianca uit die slaapkamer kom, het Marthinus met die egpaar se motor gevlug. Bianca het paramedici ontbied, maar die seuntjie is met hul aankoms dood verklaar.

Die polisie het vroeër Woensdag gesê die uitslae van die nadoodse ondersoek is nog nie beskikbaar nie en dit is dus nog onduidelik hoe Deon dood is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

36 Kommentare

jongste oudste gewildste
Bernard

Mag die minderjarige se naam openbaar word na sy dood?

So onnodig en so sad

Bernard ja dit gaan geen verskil maak nie, die baba is oorlede. Dit is so onnodig en so sad, ek kan nie dink wat hierdie Pa Saterdag gedink en gedoen het nie. Dit is eenvoudig onglobaar, op die oog af lyk hy heel mal oor sy seuntjie. As dit die resultaat van ‘n rusie dalk skeiding is, is hy ‘n groot gevaar vir die samelewing, want om jou eie kind se lewe te neem is die wreedste ding om te doen en dit nog ‘n weerlose baba!

marianne

Marthinus waarom vir Klein Dion vermoor??? As jy nie ‘n PA wou wees nie moes jy dit aan Bianca erken het voor haar swangerskap!!! Hoe lewe jy met jouself???
Bianca my Hart bloei vir jou en julle familie. Koester jou seuntjie in jou hart, hy sal altyd deel van jou wees.
Ek is so bitter jammer!

Rena

Hoekom sal enige mens n baba so wil verniel…? Ek sal dit seker nooit verstaan nie.

sonja

Ag my liewe Bianca my hart bloei vir jou wat se tiepe mens is hy om dit aan n baba tedoen mag hy so lank as wat moonlik toe gesluit word en die sleutel weg gegooi word