Paarlse hoërskool rou ná twee leerders sterf

Die foto van Jade Gouws (17) wat die hoërskool gedeel het. (Foto: La Rochelle hms/ghs, Paarl. Amptelike Fb-blad.)

Die Hoër Meisieskool La Rochelle in die Paarl steier onder ʼn dubbele terugslag nadat twee gr. 11-leerders daar die afgelope week hul eie lewe geneem het.

Jade Gouws (17) is Woensdagaand by haar huis dood. Die skool het Jade as voorbeeld vir haar maats en ʼn steunpilaar bestempel. Sy is ook onlangs verkies as een van die gr. 11-VRL-lede.

“Ons innige simpatie gaan aan haar ouers, broer, familie, vriende en mede-Larries,” het die skool gesê.

Intussen is tientalle boodskappe van medelye ook betuig ná die dood van Zara Malherbe, ook ʼn 17-jarige gr. 11-leerder van die skool. Zara is Donderdag dood.

Debbie Schäfer, LUR vir onderwys in die Wes-Kaap, het gesê sy is diep ontsteld oor die twee meisies se dood.

“Ek wil eerstens my diepe medelye met die meisies se gesinne, vriende, onderwysers en almal by Hoër Meisieskool La Rochelle betuig.

“Ek het met die skoolhoof gepraat – wat platgeslaan is – maar steeds leiding aan die skool gee. Berading is beskikbaar en die Wes-Kaapse onderwysdepartement ondersteun die skool.”

Schäfer het gesê dit is tragies dat mense die punt bereik dat hulle geen ander uitweg sien as om hul lewe te beëindig nie. Sy het ʼn beroep gedoen op leerders wat swaar kry om hul emosies te verwerk om na hul onderwysers uit te reik wat hulle kan bystaan om die nodige hulp te bekom.

“Kom ons doen alles wat ons kan, waar  ons kan, om mekaar by te staan met die struikelblokke wat die lewe op ons pad bring.”

  • Vir hulp, skakel die Safe Schools-noodnommer by 0800 45 46 47.

Let us all do what we can where we can, to support each other to navigate the difficulties that life throws our way.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

7 Kommentare

jongste oudste gewildste
Persheks Adri

My innige simpatie aan die familie en vriende in die moeilike tyd mag God julle dra! Dis regtig hartseer as enige iemand so iets doen en nie ‘n ander uitweg sien nie…

Onnie

Was die 2 leerders bevriend of op enige manier aan mekaar verbind? Dis darem baie toevallig dat die een Woensdagaand en die ander Donderdag selfmoord pleeg.

Riana

Dis hartverskeurend, ons innige simpatie met die families.

Maggies

Só hartseer en laat hul ouers met soveel onbeantwoorde vrae agter. Sterkte aan hulle en gesinne.

marius

Nee !