Paartjie beroof, vrou verkrag

Argieffoto

Argieffoto

’n Paartjie is beroof en die vrou verkrag nadat hul motor langs ʼn pad buite Pretoria onklaar geraak het.

Kapt. Rheineth Motlana, woordvoerder van die polisie, sê die voorval het Woensdagaand langs die R80 in Soshanguve, noord van Pretoria, plaasgevind. Hy sê die paartjie is deur twee mans genader en van hulle bankkaarte en kontant beroof.

Een van die mans was gewapen en het die kêrel gedwing om saam met hom na ʼn OTM te gaan om kontant te onttrek. Die ander man het saam met die vrou agtergebly. Die kêrel het met sy terugkeer uitgevind dat sy vriendin verkrag is.

Die verdagtes het van die toneel gevlug. Die polisie ondersoek ʼn saak van roof en verkragting.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

9 Kommentare

Desiree ·

Pateties Waar gaan ons wonderlike land heen, word wakker en stem vir ons land en ons mense en BID BID! 2 kronieke 7:14 ASB en God sal uit die Hemel hoor groete

AmY ·

Dit is so hartseer. Ons land was eens so mooi en skoon en veilig.

Nou, as jou motor langs die pad breek moet jy ‘vrees vir jou lewe’.

Waar is die tye toe jy met vakansie gery het, en langs die pad kon stop vir koffie en broodjies en frikkadelle en eiers wat tuisgemaak was. En jy het daai eetplekkie skoon agtergelaat.

Nou kan mens dit nie eens meer doen nie. Nou, as jou motor langs die pad breek is ‘mens in lewensgevaar’.

Ek soek daai tye terug. :-(

Shannon ·

Jammer, die krokodil het die Rubicon oorgesteek. En Freek het Rome aant brand gesteek. Nou’s ons in `n demokrasie.

Peter Says ·

Ai tog Amy, jy maak my heeltemaal nostalgies, wonderlike tye daai. Maar ek dink ek en jy weet, nooit sal ons weer daardie tye beleef nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.