Paartjie glo uit weerwraak op kleinhoewe aangeval

Argieffoto

Argieffoto

WAARSKUWING: Die foto’s onderaan die berig is grafies van aard en kan sensitiewe lesers en kinders ontstel.

ʼn Man en sy vriendin is vandeesweek op ʼn kleinhoewe in KwaZulu-Natal aangeval wat vermoedelik beskou word as ʼn wraakaanval wat verband hou met ʼn loongeskil.

Larry Erasmus, uitvoerende hoof van Security 4 U wat in beheer is van die Empangeni-plaaswag, het aan Maroela Media gesê die paartjie is Dinsdagaand op hul kleinhoewe in die Eindhoek Suiker-landgoed deur drie mans, glo bekend aan hulle, oorval en erg aangerand.

Volgens Erasmus is die man in sy 50’s en sy vriendin in haar 30’s en grens die kleinhoewe teen die Cebekhulu- tradisionele tuisland-omgewing.

“Die aanval het tussen 20:00 en 21:00 plaasgevind. Die drie mans het hulle in hul huis oorval en vermoedelik met kieries, messe en pangas aangerand,” het Erasmus gesê.

“Die paartjie se buurman, mnr. Mario Wehncke, het onraad gemerk toe hy die oproer gehoor het en tot die slagoffers se redding gekom. Hy het die verdagtes onder meer met bakstene verdryf en hulle het te voet gevlug sonder om iets te steel.”

Die paartjie is na ʼn plaaslike hospitaal geneem vir behandeling. Na wat verneem word, is die man in ʼn stabiele toestand, maar die vrou kritiek. Haar toestand was teen Vrydag nie bekend nie, aangesien sy glo na ʼn onbekende hospitaal in Durban oorgeplaas is.

“Ons het die toneel ná die aanval besoek en met sommige ooggetuies gepraat. Die aanvallers was glo aan die slagoffers en bure bekend en het soms los werkies vir die slagoffers verrig. Die aanval was vermoedelik ʼn wraakaanval wat verband hou met ʼn loongeskil. Daar is ook gerugte dat die verdagte voorheen gereedskap van die slagoffers gesteel het.”

Erasmus het gesê die Empangeni-polisie het ʼn ondersoek van stapel gestuur en niemand is nog teen Vrydag in verband met die aanval in hegtenis geneem nie.

Maroela Media het navraag by die polisie gedoen oor die stand van die ondersoek en die vrou se toestand en wag nog vir terugvoer.

WAARSKUWING: Die foto’s is grafies van aard en kan sensitiewe lesers en kinders ontstel.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

26 Kommentare

jongste oudste gewildste
Lee

Die beste dink ek vir boere deesdae is om nie vir hulle geensins werk te gee nie. Daar is baie wittes daar buite wat werk soek en wat enige iets sal doen. Hierdie plaaswerkers is nooit met niks tevrede nie. Of kry eerder familie en vriende om te help. Wens julle albei ‘n spoedige herstel toe.

JK

Nog een … kyk maar, daar is elke dag so n berig in die koerant !!

Geen verskoning

Dit gee hul nog nie die reg om mense so wreed aan te val nie…. gaan dan polisie toe. .. maar om uit te gaan om te moor… dankie tog dat daai man tot hul redding gekom het…. hulle is maar uit die hel!

AL

Werkers sal altyd ongelukkig wees oor lone want hulle is ondankbaar en opportunisties. Doen eerder jou werk self. Dis beter dan lyk almal wat naby jou plek beweeg verdag en hanteer hul as verdagtes. Sterkte aan die paartjie en dankie Here dat jul gespaar is!

Genieve

Ek het nie woorde nie regtig.Dit lyk nou asof dit n gewoonte gaan word om elkedag n moord te pleeg.