PAC steun grondonteiening-voorstel

Narius Moloto, president van die PAC, tydens ʼn mediakonferensie in Desember 2017. Foto: ANA/Balise Mabona

Die Pan Africanist Congress (PAC) het die ANC se voorstel verwelkom dat art. 25 van die grondwet gewysig moet word om voorsiening te maak vir grondonteiening sonder vergoeding.

Die PAC het in reaksie op die voorstel gesê hy was nog altyd van mening dat grondhervorming in Suid-Afrika nie met die uitruil van geld gepaard moet gaan nie.

Die ANC het verlede maand tydens sy 54ste nasionale konferensie ʼn voorstel goedgekeur dat die party die grondwet wil wysig om voorsiening te maak vir grondonteiening sonder vergoeding, maar het nie ʼn sperdatum gegee vir wanneer dit moet gebeur nie.

Narius Moloto, president van die PAC, het in ʼn verklaring gesê die omstrede grondeienaarskapkwessie het teruggekom om by Suid-Afrika te spook omdat dit vir dekades geïgnoreer is. “Die kern van die PAC se stryd en politieke doelwit was nog altyd die teruggee van die grond aan die regmatige eienaars en gratis gedekolonialiseerde onderrig vir die Afrika-mense met die fokus op Afrika-kinders,” het hy gesê.

“Ons salueer die dapper patriotte wat hul lewens neergelê het en die grootste prys betaal het sodat die grond na die regmatige eienaars kan terugkeer.”

Moloto het gesê die eiendomsklousule in die grondwet beskerm die “openlike roof wat die koloniale verowering van die grond van die inheemse volk is”. Hy beweer die PAC is die enigste vryheidsbeweging wat teen die eiendomsklousule beswaar aangeteken het tydens die multi-party onderhandelinge oor die grondwet in 1992 en 1993.

“Ons het 25 jaar later steeds dieselfde siening; ons het nie verander nie,” het hy gesê.

Hy het ook gekap na politieke partye, sonder om spesifieke name te noem, wat gemeenskappe aanmoedig om grond onwettig te beset sonder dat hulle die grondwetlike toestemming het om dit te doen. Hy het gesê politieke partye gebruik die grondkwessies om stemme van die Afrika-mense te werf.

“Bedrieërs moet nie hierdie emosionele kwessie oor grond gebruik om die Afrika-massas om die bos te lei nie. Die regte vraag is wie onteien grond en in wie se belang moet die grond teruggeneem word. Hierdie land en sy omgewing behoort aan die Afrika-mense.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

42 Kommentare

jongste oudste gewildste
PJC

Indien hierdie ooit realiseer sal dit die begin van groot chaos inlei. Dit is presies hoe Zim se ondergang begin het. Dit sal sommer ook wys hoeveel die Afrikaner gaan verduur voordat hy sy rug gaan styf maak.

Sanet van Wyk

Kan niemand sien wat in Zim gebeur het nie. K6k niirdwes daar verby Diesening dam lê hordes grond beskikbaar. Ander kant Dube hordes hoekom word dit nie gebruik nie. Daar nog baie meer oral in die land.

Lappies

Klaarblyklik is die pac ender politieke partye se pense nog dik gevreet. Hulle leef ook met oogklappe aan want hulle leer nie uit zim en ander swart state wat kripeer se “sukses verhale” nie. Hou aan krap aan die by-nes en die les gaan rampspoedig wees.

Hanna

Hulle stel net in produktiewe grond belang sodat daar geplunder en vernietig kan word. Wonder wie die bank lenings op hierdie grond gaan oorneem of word net reeds afbetaalde grond geteiken?

Koeks

Sanet. Ek stem heeltemal daarmee saam! Wat van die onbewerkte grond? Nee hulle wil in die spoggetige bewerkte klaar ontwikkelde plase intrek sonder om daarvoor te betaal! Hoe werk hulle koppe? Wil hulle volskaalse oorlog he? Hulle sal dit kry!