Packham vra kollega glo om te lieg

Rob en Gill Packham. Foto: Facebook

Rob Packham, die sakeman wat van die moord op sy vrou aangekla word, het glo vir ʼn kollega gevra om te lieg oor waar hy hom bevind het op die dag wat sy vrou verdwyn het.

Lodewyk van Rensburg, logistieke bestuurder van Twizza waar Packham as hoofbestuurder gewerk het, het Dinsdag in die Wes-Kaapse hooggeregshof getuig dat Packham hom om 12:33 op 22 Februarie 2018 gebel het.

Volgens Van Rensburg het Packham gevra dat indien iemand bel om te hoor waar hy was, hy [Van Rensburg] moet sê hulle was sedert 8:30 in ʼn vergadering. Van Rensburg het ingestem maar onrustig daaroor gevoel en het dit by die menslike hulpbronne-afdeling aangemeld, het hy getuig.

Packham het aan Van Rensburg gesê dat hy na sy vrou, Gill, soek aangesien sy nie die oggend by die Springfield Convent School, waar sy as sekretaresse gewerk het, opgedaag het nie.

Van Rensburg het verder getuig Packham het hom tydens die telefoongesprek “buddy” genoem en dat dit iets is wat hy nog nooit voorheen gedoen het nie. “Hy was uitasem toe hy met my gepraat het, asof hy besig was om rond te loop.”

Van Rensburg het getuig Packham het vir hom gesê dat hy die vorige dag in ʼn rusie met sy vrou en dogter, Nicola, betrokke was. “Hy het gestres geklink en gesê hy is op soek na Gill. Dit was nie ʼn normale, ontspanne gesprek nie.”

Nicola Packham (26) het Maandag getuig sy was al ʼn paar jaar lank van haar pa se ontrouheid bewus, nog voordat haar ma in Oktober 2017 uitgevind het.

Packham staan tereg op aanklag van moord en regsverydeling ná sy vrou se dood. Hy ontken skuld. Haar liggaam is in die kattebak van haar uitgebrande BMW naby die Dieprivier-treinstasie gevind.

Die staat voer aan Packham het haar met ʼn stomp voorwerp oor die kop geslaan en haar motor aan die brand gesteek om enige bewyse te verbloem.

Die saak gaan voort.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
Piet

Jou doppie is geklink. N mens kan met n stok in die donker voel jy is skuldig. Skaam jou.

Genieve

2de Jason Rhode jinne wat makeer die mense so n pragtige vrou vermoor vir jou skelmpie.

LÍEWE GENADE,TOG!

Oucccchhhhh….????

Mariaan

Daars BAIE skelmpies in die tronk wat jou gaan roer! Kry vir jou meneer…sies man

Lana

Packham, jou pakslae lê en loer vir jou.